სამოქალაქო აქტივისტები “ქართული ოცნების” ოფისის მიმართულებით მსვლელობას მართავენ. აქტივისტების განცხადებით, ისინი ტელეკომპანია “პირველის” ეთერში გასულ სიუჟეტს აპროტესტებენ.
აქტივისტები სკანდირებენ “მონებო”. მათ თან აქვთ ტრანსფარანტები წარწერით - “ბერა მოძალადე ტიკ-ტოკერი”, “ივანიშვილის მაფიოზური ოჯახი”.
“საქართველო ამ მომენტისთვის თავიდან ბოლომდე გასულია სამარლებრივი სახელმწიფოს ჩარჩოდან და ის არის ქცეული მაფიოზურ კლანად, რომელიც თავიდან ბოლომდე არაპროგნოზირებადია. ნებისმიერს გაუსწორდებიან ფიზიკურად”, - განაცხადა სამოქალაქო აქტივისტმა გიორგი მუმლაძემ.
ცნობისთვის, "ტვ პირველის" ინფორმაციით, მათ მოიპოვეს ფარული აუდიო ჩანაწერი, რომლითაც მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, მათ შორის ბავშვის დასჯას უკვეთავს.
იხილეთ ვიდეო:სამოქალაქო აქტივისტებმა "ქართული ოცნების" ოფისთან საპროტესტო აქცია გამართეს