მამუკა მდინარაძე - გავრცელებული ჩანაწერი არის 2010 წლის რამდენიმე ათეული ჩანაწერიდან ამოკრეფილი ფრაზები, ფაბრიკაცია და „კაგებეშნიკურად“ დამონტაჟებული

„ქართული ოცნების” თავმჯდომარე მამუკა მდინარაძე გავრცელებულ ფარულ ჩანაწერებს ფაბრიკაციას უწოდებს და აცხადებს, რომ ის „კაგებეშნიკურად“ არის დამონტაჟებული.

როგორც მამუკა მდინარაძემ პოლიტსაბჭოს სხდომის დასრულების შემდეგ, პარტიის ოფისში გამართულ ბრიფინგზე განაცხადა, პოლიტსაბჭოზე პრემიერთან, ირაკლი ღარიბაშვილთან მედიაში გავრცელებულ ფარულ ჩანაწერებზე ისაუბრეს. როგორც მდინარაძე აღნიშნავს, საზოგადოებაზე საინფორმაციო ტერორი მიმდინარეობს.

"პრემიერთან ვისაუბრეთ დღეს, თუ რა ჩანაწერზე იყო საუბარი. ჩვენ ამაზე გვქონდა ინფორმაცია. ეს არის 2010 წლის, ხაზს ვუსვამ, არა 2011-2012 წლის, არამედ 2010 წლის რამდენიმე ათეული ჩანაწერიდან ამოკრეფილი ფრაზები ერთ-ერთი მედიასაშუალების მიერ. ეს არის აბსოლუტური ფაბრიკაცია, „კაგებეშნიკურად“ არის დამონტაჟებული. სამწუხაროდ, საინფორმაციო ტერორი მიმდინარეობს ამ მიმართულებით საზოგადოებაზე. ალბათ, უნდა შევთანხმდეთ, რომ ასეთი ქმედებები, ვისი მხრიდანაც არ უნდა იყოს, რა პოლიტიკური ინტერესიც არ უნდა იყოს ამაში, აუცილებლად უნდა იყოს დაგმობილი“,-აცხადებს მდინარაძე.

ცნობისთვის, "ტვ პირველის" ინფორმაციით, მათ მოიპოვეს ფარული აუდიო ჩანაწერი, რომლითაც მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, მათ შორის ბავშვის დასჯას უკვეთავს.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა