სამოქალაქო აქტივისტებმა მსვლელობა პარლამენტის შენობასთან დაასრულეს. მათ ე.წ კომენდანტის საათი დაარღვიეს. აქტივისტებმა აქცია ჯერ “ქართული ოცნების” ოფისთან, შემდეგ კი მთავრობის ადმინისტრაციასთან გამართეს. ისინი “ტვ პირველის” ეთერში გასული სიუჟეტის გამო პროტესტს გამოთქვამენ.
ამასთან, აქციის მონაწილეებს თან ჰქონდათ ტრანსფარანტები წარწერით - “ბერა მოძალადე ტიკ-ტოკერი”, “ივანიშვილის მაფიოზური ოჯახი”.
ცნობისთვის, "ტვ პირველის" ინფორმაციით, მათ მოიპოვეს ფარული აუდიო ჩანაწერი, რომლითაც მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, მათ შორის ბავშვის დასჯას უკვეთავს.