ხატია დეკანოიძე - ვადამდელი არჩევნები უნდა იყოს, პლებისციტზეც აღარ არის უკვე საუბარი - კრიმინალურ მმართველობას მორალური უფლებაც არ აქვს რაიმე კომპრომისის მოლოდინზე ისაუბროს

ვადამდელი არჩევნები უნდა იყოს! პლებისციტზეც აღარ არის უკვე საუბარი - კრიმინალურ მმართველობას მორალური უფლებაც არ აქვს რაიმე კომპრომისის მოლოდინზე ისაუბროს, - ამის შესახებ „ერთიანი ნაციონალური მოძრაობის“ ერთ-ერთმა ლიდერმა ხატია დეკანოიძემ „ინტერპრესნიუსთან“ საუბრისას განაცხადა.

მისივე თქმით, „ტვ პირველის“ ეთერში გავრცელებული ჩანაწერების შემდეგ, ნორმალურ ქვეყანაში პირდაპირ გადადგებოდა ხელისუფლება.

„სრულიად სხვა რეალობის წინაშე ვართ, როდესაც ზუსტად დადგინდა, რომ ქვეყანაში არის ჩვეულებრივი კრიმინალური მმართველობის სტილი, როდესაც პრაქტიკულად ოლიგარქის ოჯახი ჩართულია ადამიანების დასჯაში, ეს ძალიან მნიშვნელოვანი ფაქტია და ნორმალურ ქვეყანაში რაც მოხდებოდა ეს იქნებოდა გამოძიება, მათ შორის, ამ გამოძების შედეგად დადგინდებოდა რა ხდება?! ავთენტურია თუ არა?! როდის არის ჩაწერილი?! და პირდაპირ გადადგებოდა ხელისუფლება - ასე იქნებოდა ნორმალურ ქვეყანაში, მაგრამ სამწუხაროდ ჩვენ პროკურატურის და სასამართლოს ნდობა არ გვაქვს და არც მოქალაქეებს არ აქვთ, ამიტომ შესაბამისად, მდინარაძის მიერ რაღაც კომპრომისზე საუბარი რბილად, რომ ვთქვათ სისულელეა. ვადამდელი არჩევნები უნდა იყოს! პლებისციტზეც აღარ არის უკვე საუბარი და ამ ვადამდელი არჩევნების შედეგად უნდა წავიდეს ეს კრიმინალური მმართველობა ხელისუფლებიდან - აი ეს არის ჩვენი და მათ შორის, 6 - პუნქტიანი ჩარჩო-შეთანხმების გეგმაც. კრიმინალურ მმართველობას მორალური უფლებაც არ აქვს რაიმე კომპრომისის მოლოდინზე ისაუბროს და ზოგადად ძალიან უხერხულია, როდესაც ამხელა მძიმე მოვლენების შემდეგ ყველაფრის გამმართლებელი უმრავლესობის სახელით საუბრობს ბატონი მდინარაძე“, - განაცხადა დეკანოიძემ.

ცნობისთვის, "ტვ პირველის" ინფორმაციით, მათ მოიპოვეს ფარული აუდიო ჩანაწერი, რომლითაც, მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, მათ შორის ბავშვის დასჯას უკვეთავს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს