ოპოზიცია ყველაფერს გააკეთებს, რომ მოლაპარაკებები არ ჩაიშალოს,- ამის შესახებ „ევროპელი დემოკრატების“ თავმჯდომარემ პაატა დავითაიამ განაცხადა.
მისი თქმით, ევროპული საბჭოს თავმჯდომარესთან შეთანხმებული ექვსპუნქტიანი გეგმის თაობაზე კომპრომისი აუცილებლად უნდა შედგეს.
„მოლაპარაკებების მაგიდა არ უნდა აყირავდეს, კომპრომისს უნდა მივაღწიოთ, ეს კი ორმხრივი მოძრაობაა, დათმობებზე წასვლა მოუწევს ხელისუფლებასაც. შეგახსენებთ, რომ 8 მარტის შეთანხმება ჯერ კიდევ ბოლომდე შესრულებული არ არის“, - განაცხადა პაატა დავითაიამ, რომლის კომენტარსაც პრესსამსახური ავრცელებს.