საქართველოში არსებულ სიტუაციასთან დაკავშირებით ევროპარლამენტში დღეს დებატები გაიმართება

ევროპარლამენტში დღეს საქართველოს შესახებ დებატები გაიმართება, სადაც მოხსენებას ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ჯოზეფ ბორელი წარადგენს.

როგორც საქართველოს პარლამენტის ევროინტეგრაციის კომიტეტის თავმჯდომარე მაკა ბოჭორიშვილმა ჟურნალისტებს განუცხადა, მოხსენებისას ძირითადად შეფასებები ევროპული საბჭოს პრეზიდენტის შარლ მიშელის ვიზიტთან დაკავშირებით გაკეთდება.

ბრიუსელში, ევროპარლამენტის პლენარულ სესიაზე საქართველოში არსებულ პოლიტიკურ ვითარებაზე მსჯელობა ბრიუსელის დროით 15:00 საათზე დაიწყება. საკითხი დღის წესრიგში ევროპელი დეპუტატების მხრიდან დადგა.

„შარლ მიშელის ვიზიტთან დაკავშირებით გაკეთდება ძირითადად შეფასებები. ევროკავშირის ინსტიტუტებში, ევროკავშირის პრეზიდენტის ვიზიტს უყურებენ როგორც ძალიან მნიშვნელოვან მოვლენას საქართველოში და მის პირად ჩართულობას მედიაციის პროცესში ძალიან დიდ მნიშვნელობას ანიჭებენ. შესაბამისად, ყველა დაინტერესებულია, რომ რაც შეიძლება მალე იქნას კომპრომისი მიღწეული მხარეებს შორის. ჩვენ მზად ვართ, რომ დიალოგი გაგრძელდეს კონსტრუქციულ რეჟიმში, დიალოგი არის მხარეებს შორის და შესაბამისად, მეორე მხრიდანაც ველით კონსტრუქციულ ნაბიჯებს და მაქსიმალურ მზაობას იმისათვის, რომ ჩვენი ქვეყნისთვის სასიკეთო შედეგს მივაღწიოთ“, - განაცხადა ბოჭორიშვილმა.

იხილეთ ვიდეო: საქართველოში არსებულ სიტუაციასთან დაკავშირებით ევროპარლამენტში დღეს დებატები გაიმართება

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს