კრისტიან დანიელსონი გამოცდილი დიპლომატია, ის ევროკავშირის გაფართოებაზე მუშაობდა, შესაბამისად, მისი დიალოგის პროცესში ჩართვა ძალიან მნიშვნელოვანია - ამის შესახებ „ევროპული დემოკრატების“ თავმჯდომარემ პაატა დავითაიამ განაცხადა.
მისივე თქმით, ევროპული საბჭოს პრეზიდენტის წარმომადგენლის ჩამოსვლა პოლიტიკურ აქტორებს კომპრომისზე წასვლას ავალდებულებს.
„უნდა ვანახოთ მთელ ევროპას, რომ ჩვენ შეგვიძლია დიალოგი, შეგვიძლია ნებისმიერი პოლიტიკური კრიზისის განმუხტვა. მმართველი პარტია უნდა მიხვდეს, რამდენად სერიოზული გამოწვევის წინაშე დგას და კომპრომისისკენ ნაბიჯები გადადგას, რათა ოპოზიციამაც გადადგას შემხვედრი ნაბიჯები. შეთანხმებას უნდა მივაღწიოთ! სხვა შემთხვევაში ეს ძალიან ცუდად აისახება ჩვენს ქვეყანაზე, აღარაფერს ვამბობ იმაზე, რომ 2024 წელს ევროკავშირში გაწევრიანებაზე განაცხადის გაკეთება იგეგმება. ასე რომ, პროცესზე მთელი პასუხისმგებლობა აქვს ხელისუფლებას - დიალოგი უნდა შედგეს, კომპრომისი უნდა მოიძებნოს, შეთანხმებას უნდა მივაღწიოთ!“- აცხადებს პაატა დავითაია.