დიალოგისთვის საჭიროა, მოლაპარაკების მაგადასთან ყველა მხარე იმ განწყობით მოვიდეს, რომ საუბარი შედგეს, - ეს განცხადება ჟურნალისტებთან საუბრისას „ქართული ოცნების“ დეპუტატმა ირაკლი ჩიქოვანმა გააკეთა.
ჩიქოვანის ინფორმაციით, ევროპული საბჭოს პრეზიდენტის მიერ საქართველოში გამოგზავნილი პირადი წარმომადგენელი დანიელსონი საქართველოს ძალიან კარგად იცნობს. ჩიქოვანი დარწმუნებულია, რომ დიალოგი ნამდვილად შედეგიანი იქნება.
„დიალოგი მმართველი გუნდისთვის ყოველთვის ის გზა და საშუალება იყო, რომლითაც ჩვენ შედეგის მიღწევას შევძლებდით. ამას ჩვენს მიერ გადადგმული ნაბიჯები ცხადყოფს", - აღნიშნა ჩიქოვანმა ჟურნალისტებთან საუბრისას.