ათწლეულების განმავლობაში მხარს ვუჭერდი საქართველოს და ვიცავდი საქართველოს ევრო-ატლანტიკურ მოწოდებას. ახლაც იგივეს ვაკეთებ. თუმცა, მოვიდა დრო, გავაჟღერო ჩემი უკიდურესი შეშფოთება, ვინაიდან 2019 წლის ივნისიდან ჩვენ ძალიან ბევრი ცუდი ახალი ამბავი გვესმის თბილისიდან, - ამის შესახებ ევროპარლამენტარმა ანნა ფოტიგამ ევროპარლამენტში განაცხადა, სადაც საქართველოში არსებულ პოლიტიკურ სიტუაციასთან დაკავშირებით დებატები გაიმართა.

მისი თქმით, ცუდ სიახლეებში ერთადერთი გამონაკლისი ოპოზიციასა და მთავრობას შორის გასულ წელს მიღწეული მარტის შეთანხმებაა.

„ცუდი სიახლეა ოპოზიციური პარტიის ოფისში შეჭრა და მისი ლიდერის თვითნებური დაკავება. იმედი მაქვს, შარლ მიშელის მედიაციის, მხარს ვუჭერ ახლად დანიშნულ ევროკავშირის სპეციალურ წარმომადგენელს კრისტიან დანიელსონს. ყველა ჩვენგანმა მაქსიმალური ძალისხმევა უნდა გამოვიჩინოთ იმისთვის, რომ დიალოგს ფასილიტატორობა გავუწიოთ, რომელიც, სავარაუდოდ ახალ ინკლუზიურ არჩევნებამდე მივა“, - აღნიშნა ევროპარლამენტარმა.