თუ კახი კალაძე კანდიდატურას დააყენებს, ის იქნება უალტერნატივო და აუცილებლად გაიმარჯვებს, - ამის შესახებ მმართველი გუნდის ერთ-ერთმა წევრმა მიხეილ ყაველაშვილმა უმრავლესობის სხდომის შემდეგ ჟურნალისტებს განუცხადა.
მისივე თქმით, “დედაქალაქს დღეს ღირსეული მერი ჰყავს”.
“გვექნება მსჯელობა და ყველა კანდიდატს გავივლით. პროცესია ჩვეულებრივი”, - განაცხადა ყაველაშვილმა.
ცნობისთვის, როგორც “ქართული ოცნების” ოფისში გამართული უმრავლესობის სხდომის შემდეგ გახდა ცნობილი, მმართველმა გუნდმა დღეს თვითმმართველობის არჩევნებისთვის მზადება და კანდიდატებთან დაკავშირებით კონსულტაციები დაიწყო.