მჯერა და მაქვს მოლოდინი, რომ დედაქალაქს მერად სწორედ კახი კალაძის მსგავსი კანდიდატი დაამშვენებდა, - ამის შესახებ ჟურნალისტებს საპარლამენტო უმრავლესობის წევრმა ირაკლი ზარქუამ განუცხადა.
ირაკლი ზარქუას აზრით, გამოწვევები, რაც თბილისს ეკოლოგიის, გამწვანების და ინფრასტრუქტურის კუთხით ჰქონდა, კალაძემ თავის გუნდთან ერთად გადაჭრა. ზარქუას ინფორმაციით, დედაქალაქის მერის კანდიდატურასთან დაკავშირებით უმრავლესობის დღევანდელ შეხვედრაზე საუბარი არ იყო და ამაზე გადაწყვეტილებას მოგვიანებით პარტიის პოლიტსაბჭო მიიღებს.
"რამდენადაც ინფორმაცია მაქვს, თბილისის მერობის კანდიდატზე მსჯელობა ჯერ არ ყოფილა. კახა კალაძის დამოკიდებულებაა, რომ სადაც გუნდს დასჭირდება, იმ პოზიციაზე იქნება", - აღნიშნა ირაკლი ზარქუამ.
დეპუტატმა აქვე დასძინა, რომ "ქართული ოცნება" ადგილობრივი თვითმმართველობის არჩევნებისთვის პასუხისმგებლობით ემზადება.
იხილეთ ვიდეო:ირაკლი ზარქუა - მჯერა, რომ დედაქალაქს მერად სწორედ კახი კალაძის მსგავსი კანდიდატი დაამშვენებდა