დავით მათიკაშვილი - ოპოზიციის დესტრუქციული ნაწილი სჯობს იმ რჩევებს მიჰყვეს, რაც ევროპელ კოლეგებს აქვთ - შეწყვიტონ დემოკრატიის ნგრევა!

ყველა პოსტულატი, რომელიც ოპოზიციას ხელში ეკავა, ჩამოეშალათ, არ არსებობს არც ერთი ლოგიკა და არგუმენტი იმის დასადასტურებლად, რომ განმეორებითი არჩევნები არის სამართლებრივი მოცემულობა,- ამის შესახებ საპარლამენტო უმრავლესობის წევრმა დავით მათიკაშვილმა ჟურნალისტებთან განაცხადა.

მისი თქმით, ევროპელი მეგობრების მოლაპარაკებების პროცესში ჩართულობას იმედით უყურებენ და მზად არიან მოლაპარაკებებისთვის.

"ოპოზიციის დესტრუქციული ნაწილი სჯობს იმ რჩევებს მიჰყვეს, რაც ევროპელ კოლეგებს აქვთ - შეწყვიტონ დემოკრატიის ნგრევა, პარლამენტში შებრძანდნენ და იქ აწარმოონ პოლიტიკა. ის ფაქტი, რომ ევროკავშირი ასე არის დაინტერესებული საქართველოში მიმდინარე პროცესებით, ეს მიუთითებს იმაზე, რომ ჩვენს შორის ურთიერთობა მაღალ ნიშნულზეა. ჩვენთვის მნიშვნელოვანია, მოლაპარაკების მაგიდასთან კონკრეტულ შედეგს მივაღწიოთ, თუმცა დესტრუქციული ოპოზიციის მსჯელობის პარამეტრებით რასაც ვხედავთ, ცხადი ხდება, რომ ეს რთული იქნება. ამის მიუხედავად, იმედი გვაქვს, ოპოზიცია მოლაპარაკებებზე კონსტრუქციული წინადადებებით მოვა. პარლამენტში შეიქმნა შესაბამისი კომისია, რომელიც იკვლევს 2020 წლის საპარლამენტო არჩევნებთან დაკავშირებულ საკითხებს და ძალაშია ის პირობა, რომელიც "ქართული ოცნების" მხრიდან იყო გაცემული, რომ თუკი კომისია დაადგენს ცდომილებას 1 პროცენტამდე, "ქართული ოცნება" დათანხმდება რიგგარეშე არჩევნებს. ყველა პოსტულატი, რომელიც ოპოზიციას ხელში ეკავა, ჩამოეშალათ, არ არსებობს არც ერთი ლოგიკა და არგუმენტი იმის დასადასტურებლად, რომ განმეორებითი არჩევნები არის სამართლებრივი მოცემულობა. არჩევნები ჩატარდა ლეგიტიმურობის მაღალი ხარისხით, ეს დაადასტურა ახლახანს ოდირის დასკვნამ. ასე, რომ ჩვენ შეგვიძლია ვისაუბროთ ნებისმიერ საკითხზე რაც არის ამ სამართლებრივი წითელი ხაზების შიგნით,"- განაცხადა მათიკაშვილმა.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს