ეკატერინე ტიკარაძე - პირველ რიგში ექიმები, შემდეგ კი დანარჩენი რისკ ჯგუფები აიცრებიან - გადანაწილება თავიდან დიდ ქალაქებში მოხდება

პირველ რიგში ექიმები, შემდეგ კი, დანარჩენი რისკ ჯგუფები აიცრებიან - გადანაწილება, რა თქმა უნდა, თავიდან დიდ ქალაქებში მოხდება, - ამის შესახებ საქართველოს ჯანდაცვის მინისტრმა, ეკატერინე ტიკარაძემ ბრიფინგზე განაცხადა.

მისივე თქმით, დაწესებულებებში, სადაც ვაქცინაცია უნდა ჩატარდეს, ყველა უსაფრთხოების ზომა დაცულია, რათა შესაძლო გართულება თავიდან იყოს აცილებული.

„ჩვენ გვაქვს, კონკრეტული გრაფიკი გაწერილი, რომელიც კოვიდის ვაქცინაციის საბჭოს მხრიდანაა შემუშავებული. პირველ რიგში, ექიმები შემდეგ კი დანარჩენი რისკ ჯგუფები აიცრებიან. პირველ რიგში, გადანაწილება, რა თქმა უნდა, დიდ ქალაქებში მოხდება. ასევე მნიშვნელოვანია, რომ ჩვენ განსაზღვრული გვაქვს ყველა დაწესებულება, ყველა დაწესებულებაში ჩატარებულია ტრენინგები და ყველა უსაფრთხოების ზომაა იმისათვის, რომ შესაძლო გართულება თავიდან იქნას აცილებული. ჩვენ მივყვებით იმ დაგეგმილ გეგმას, რომელიც უკვე საჯაროა“, - განაცხადა ტიკარაძემ.

ცნობისთვის, საქართველოში კორონავირუსის საწინააღმდეგო ვაქცინის პირველი პარტია დაგეგმილზე ერთი კვირით ადრე, 13 მარტიდან შემოვა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს