მამუკა მდინარაძე „ტვ პირველზე“ - შეჭრაზე საუბარი მოგონილი ამბავია - ნუ შევქმნით პანიკას იქ, სადაც არა თუ საპანიკო, გასანერვიულებელიც კი არაფერია

მთელი პასუხისმგებლობით შემიძლია გითხრათ, რომ საქართველოში არც “ტვ პირველს“ და არც სხვა რომელიმე მედია საშუალებას “ქართული ოცნების“ ხელისუფლების პირობებში არანაირი პრობლემა არ შეექმნება, - ეს განცხადება დღეს გამართულ პრესკონფერენციაზე ფრაქცია “ქართული ოცნების“ თავმჯდომარემ მამუკა მდინარაძემ გააკეთა.

როგორც მან განაცხადა, კანონით ჟურნალისტს, პარლამენტის წევრს, ასევე სასულიერო პირს აქვს უფლება თავისი საქმიანობის დროს მოპოვებული ინფორმაცია არავის არ გადასცეს და არ გაამხილოს ინფორმაციის წყარო.

მდინარაძემ დღეს ისიც განმარტა, რომ ყველა იმ გადაწყვეტილებაში, რომელიც სასამართლოს ამოღების ღონისძიებასთან დაკავშირებით გამოაქვს, წერია ის წესი, რაც ამოღების საგამოძიებო მოქმედებს ახლავს თან.

“შეჭრაზე საუბარი არის მოგონილი ამბავი - არავინ არსად შესვლას არ აპირებს! თხოვნა გვაქვს - ნუ მოვიგონებთ პრობლემებს და შემდეგ ამ მოგონილ პრობლემებზე ნუ გავბრზადებით. ნუ შევქმნით პანიკას იქ, სადაც არა თუ საპანიკო, არამედ გასანერვიულებელიც კი არაფერია!“, - განაცხადა მამუკა მდინარაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს