მამუკა მდინარაძე - თუკი ყველა იპოვის ძალას, მაგიდაზე კომპრომისული წინადადებები დადოს, დარწმუნებული ვარ, მოლაპარაკებები პოზიტიური შედეგით დასრულდება

თუკი ყველა იპოვის ძალას, მოლაპარაკების მაგიდაზე კომპრომისული წინადადებები დადოს, დარწმუნებული ვარ, მოლაპარაკებები პოზიტიური შედეგით დასრულდება, - ამის შესახებ “ქართული ოცნების“ ერთ-ერთმა ლიდერმა მამუკა მდინარაძემ ჟურნალისტებს განუცხადა.

მდინარაძე ირწმუნება, რომ “ქართულმა ოცნებამ“ არაერთი კომპრომისული წინადადება წარადგინა და ახლა იგივეს ოპოზიციისაგან ელის.

“ჩვენი ოპონენტების ქმედებების მიუხედავად, მაქვს იმედი, რომ მოლაპარაკებები ქვეყნისათვის პოზიტიური შედეგით დასრულდება. მთავარია ქვეყნისთვის პოზიტიური შედეგი დაიდოს! ასეთი შედეგი სიმართლეს უნდა ემყარებოდეს. სიმართლე ერთია - ბოლო პერიოდის განმავლობაში ყველა პიარული პროექტი, რომელიც სამწუხაროდ ჩვენმა რადიკალურმა ოპოზიციამ გამოიგონა, არ არის ის, რაც მოლაპარაკებებს წაადგება“, - აღნიშნა მამუკა მდინარაძემ.

მდინარაძის თქმით, "ქართული ოცნება" ოპოზიციას რიგგარეშე საპარლამენტო არჩევნებზეც კი მიყვება, თუკი დადასტურდება, რომ მმართველი პარტიის სასარგებლოდ არჩევნებში 1- პროცენტიან გადახარას მაინც ჰქონდა ადგილი.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს