ჯანდაცვის მინისტრი - 22 მარტის კვირაში ველოდებით „ფაიზერის“ ვაქცინის შემოსვლას

რაც შეეხება „ფაიზერის“ ვაქცინას, ჩვენ ზუსტად ვიცით და ეს თარიღი ამ ეტაპისთვის არ არის შეცვლილი, 22 მარტის კვირაში ველოდებით „ფაიზერის“ ვაქცინის შემოსვლას“, - ამის შესახებ ჯანდაცვის მინისტრმა ეკატერინე ტიკარაძემ ბრიფინგზე ვაქცინაციაზე საუბრისას განაცხადა.

როგორც ეკატერინე ტიკარაძე აცხადებს, მათ აქვთ ინფორმაცია რომ „იუნისეფი“ და „კოვაქს“ პლატფორმა ინტენსიურად მუშაობს, რომ შესაძლებელი გახდეს ვაქცინის შემოტანა უფრო ადრე, დამდეგ კვირაში.

„რაც შეეხება „კოვაქს“ პლატფორმას, ჩვენ არაერთხელ აღვნიშნეთ, რომ მნიშვნელოვანია ვიყოთ კორექტულები და სოლიდარულები. დღეს დღეობით მოწოდებასთან დაკავშირებით, როგორც „კოვაქს“ პლატფორმას, ასევე მწარმოებლებსაც გააჩნიათ გარკვეული სირთულეები. ჩვენც გარკვეული თმენის ვალდებულება გვაქვს, აქედან გამომდინარე სოლიდარობაც.

რაც შეეხება „ფაიზერის“ ვაქცინას, ჩვენ ზუსტად ვიცით და ეს თარიღი ამ ეტაპისთვის არ არის შეცვლილი, 22 მარტის კვირაში ველოდებით „ფაიზერის“ ვაქცინის შემოსვლას. თუმცა, ასევე გვაქვს ინფორმაცია იმის თაობაზე, რომ „იუნისეფი“ და „კოვაქს“ პლატფორმა ინტენსიურად მუშაობს იმ მიმართულებით, რომ შესაძლებელი გახდეს დამდეგ კვირაში ვაქცინის შემოტანა. ამაზე ინფორმაცია თუ დადასტურდება, რა თქმა უნდა, ნაადრევად გავავრცელებთ. სხვა მხრივ ქვეყანაში სრული მზაობაა იმისთვის რომ „ფაიზერის“ ვაქცინა მივიღოთ და შესაბამისად ამ ვაქცინითაც დავიწყოთ ვაქცინაცია“,-აცხადებს ტიკარაძე.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა