„სტრატეგია აღმაშენებლის“ ერთ-ერთი ლიდერი ხელისუფლებას ვაქცინაციის საკითხთან დაკავშირებით აქტიური საინფორმაციო კანმაპნიის დაწყებისკენ მოუწოდებს. სერგო ჩიხლაძეს მიაჩნია, რომ მნიშვნელოვანია საზოგადოების დარწმუნება ვაქცინაციის სარგებლიანობასა და საჭიროების მიმართულებით.

„მოვუწოდებ ხელისუფლებას, რომ დავიწყოთ მძლავრი საინფორმაციო კამპანია ვაქცინაციის პოპულარიზაციისთვის. საჭიროა, რომ მოსახლეობის აბსოლუტური უმრავლესობა დარწმუნდეს ვაქცინაციის საჭიროებაში და სარგებლიანობაშიც. ამისთვის უდიდესი მნიშვნელობა აქვს სანდოობის გაჩენას და ერთობლივ ზეპარტიულ ქმედებებს. ეს ყველას ინტერესში შედის - ხელისუფლების, ოპოზიციის, ექსპერტული წრეების. ვიმოქმედოთ ერთად”, - განაცხადა სერგო ჩიხლაძემ.