„სტრატეგია აღმაშენებელი“ “ნამახვანჰესთან“ დაკავშირებით განცხადებას ავრცელებს

სტრატეგია აღმაშენებელი“ “ნამახვანჰესის” საკითხთან დაკავშირებით განცხადებას ავრცელებს და მოსახლეობას, რომელიც აღნიშნულთან დაკავშირებით პროტესტს გამოთქვამს, სოლიდარობას უცხადებს.

„სტრატეგია აღმაშენებელი“ ვუერთდებით მოსახლეობის მოთხოვნას “ნამახვანჰესის” მშენებლობის შეჩერებასთან დაკავშირებით. გამოცხადდეს მორატორიუმი და დაიწყოს დიალოგი მოსახლეობას და ხელისუფლებას შორის, წარიმართოს პროცესი ღიად, გამჭვირვალედ, მოსახლეობის ჩართულობით და ჯანსაღი ფორმის კომუნიკაციით.

მოსახლეობამ მთელი ზამთარი რიონის პირას კარავში გაატარა იმის გამო, რომ “ნამახვანჰესის” მშენებლობასთან დაკავშირებით გაჩენილ შეკითხვებზე ზუსტი და კონკრეტული პასუხები ვერ მიიღო. აუცილებელია ამ საკითხზე საერთო კონსენსუსი, რათა არ დავაზარალოთ ჩვენი ქვეყანა კაბალური ხელშეკრულებით, არ დავაზიანოთ ჩვენი უნიკალური, ულამაზესი ბუნება, საფრთხე არ შევუქმნათ ადგილობრივ მოსახლეობას მეწყერსაშიშ რეგიონში კაშხლის მშენებლობით, დავიცვათ სეისმურად აქტიურ ზონაში კაშხლის მშენებლობის სტანდარტები სწორი გათვლებით და ანალიზით, უსაფრთხო ახალი ტექნოლოგიებით და უსაფრთხოების ყველა ნორმების დაცვით.

რაც შეეხება ქსენოფობიურ განცხადებებს, ეს არის ხელისუფლების ცრუ ბრალდება და ამით სპეკულირება უნდა შეწყდეს (თუ ვინმემ რამე მსგავსი თქვა არ შეიძლება მთლიანად პროტესტის მონაწილეებზე გავრცელდეს და მოსახლეობას დაბრალდეს)”, - ნათქვამია „სტრატეგია აღმაშენებელის“ მიერ გავრცელებულ განცხადებაში.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს