პოლარიზაცია და რადიკალიზაცია არის ის, რაც იმ მხარის ინტერესებშია, რომელიც საქართველოს მიმართ კეთილგანწყობილი არ არის - ვინ უწყობს პოლარიზაციასა და რადიკალიზაციას ხელს, ამაზე საზოგადოებამ იმსჯელოს, - ამის შესახებ პარტია “ქართული ოცნება - დემოკრატიული საქართველოს“ თავმჯდომარემ, საპარლამენტო უმრავლესობის ლიდერმა ირაკლი კობახიძემ ჟურნალისტებს ევროპული საბჭოს პრეზიდენტ შარლ მიშელის პირად წარმომადგენელთან, კრისტიან დანიელსონთან შეხვედრის შემდეგ განუცხადა.

კრისტიან დანიელსონთან საუბრის შემდეგ, კობახიძემ მხოლოდ ის განაცხადა, რომ შეთანხმება, რომელიც შედგება, სამართლიანი უნდა იყოს და მმართველი გუნდის ერთადერთი წითელი ხაზი სამართლიანობაა.

“ჩვენ სამართლიანობის პრინციპით ვიხელძღვანელებთ და რასაც სამართლიანად ჩავთვლით, იმას, ბუნებრივია, ხელს მოვაწერთ. ერთადერთი წითელი ხაზია სამართლიანობა, მეტი არაფერი“, - განაცხადა კობახიძემ.