გიორგი ვაშაძე - იმედი მაქვს, რომ დღის ბოლოს იქნება გადაწყვეტილება, რომელიც მისაღები იქნება ქართული საზოგადოებისთვის

მე იმედი მაქვს, რომ დღის ბოლოს იქნება გადაწყვეტილება, რომელიც მისაღები იქნება ქართული საზოგადოებისთვის, - ამის შესახებ „სტრატეგია აღმაშენებლის“ ლიდერმა გიორგი ვაშაძემ მედიატორ კრისტიან დანიელსონთან შეხვედრის დაწყებამდე განაცხადა.

მისივე თქმით, გუშინ „ქართული ოცნების“ მხრიდან გამოჩნდა მოლაპარაკების შეფერხების თუ არა ჩაშლის მცდელობა.

„მე ვფიქრობ, რომ მთავარი პრობლემა, როგორც ჩანს, არის რიგგარეშე არჩევნები და პოლიტპატიმრების არ გამოშვების საკითხი, მაგრამ გუშინ მე დავინახე „ქართული ოცნების“ მხრიდან მოლაპარაკების შეფერხების, როგორც მინიმუმ, თუ არა ჩაშლის მცდელობა და ჩვენს დასავლელ პარტნიორებს ძალიან დიდი მადლობა იმისთვის, რომ უძლებენ ამ ფსიქოლოგიურ სტრესს, რაშიც ახლა არიან საქართველოში. ჩვენ ყველამ ერთად მაქსიმუმი უნდა გავაკეთოთ, რომ წავიდეთ შეთანხმების გზით. დღეს მოვისმენთ, რა არის სიახლე ამ საკითხთან დაკავშირებით, მოვისმენთ ამ ყველაფერს და რაც ყველაზე მნიშვნელოვანია, მოვიღებთ გადაწყვეტილებას უკვე დღეს. მე იმედი მაქვს, რომ დღის ბოლოს იქნება გადაწყვეტილება, რომელიც მისაღები იქნება ქართული საზოგადოებისთვის.

მე მაქვს იმედი ჩვენი დასავლელი პარტნიორების, რომლებმაც ძალიან კარგად იციან, რომ შეთანხმება უნდა შედგეს დროულად, რათა პოლიტიკური ჩიხიდან გამოვიდეს ქვეყანა და საქართველო მზად იყოს იმ რეგიონალური, ეკონომიკური და კორონავირუსის გამოწვევებისთვის, რაც ზოგადად ქვეყანას აქვს. ამისთვის არიან აქ, ამიტომაც გახანგრძლივდა ერთი დღით ეს ვიზიტი და ვფიქრობთ, რომ გარკევულ შეთანხმებამდე მივალთ,“- განაცხადა ვაშაძემ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა