ირაკლი ბერაია - 15 მარტი განსაკუთრებული მნიშვნელობის დღეა ქართული მხედრული წარსულის ისტორიაში

15 მარტი განსაკუთრებული მნიშვნელობის დღეა ქართული მხედრული წარსულის ისტორიაში,- ამის შესახებ თავდაცვისა და უშიშროების კომიტეტის თავმჯდომარემ, ირაკლი ბერაიამ ქართული არტილერიის დღესთან დაკავშირებით განაცხადა.

პარლამენტის პრესსამსახურის ინფორმაციით, დღევანდელი დღის აღსანიშნავად და საქართველოს ერთიანობისთვის დაღუპულ გმირთა პატივსაცემად, თავდაცვისა და უშიშროების კომიტეტის თავმჯდომარემ, ირაკლი ბერაიამ და კომიტეტის წევრებმა გმირთა მემორიალი გვირგვინით შეამკეს. ირაკლი ბერაიამ ქართველ არტილერისტებს და საქართველოს თავდაცვის ძალების წარმომადგენლებს დღევანდელი დღე მიულოცა და წარმატებები უსურვა.

„ქართველ არტილერისტებს და საქართველოს თავდაცვის ძალებს ვულოცავ ქართული არტილერიის დღეს. ჩვენ ასევე განსაკუთრებული პატივისცემით ვიხსენებთ საქართველოს ერთიანობისთვის დაღუპულ გმირებს. 15 მარტი განსაკუთრებული მნიშვნელობის დღეა ქართული მხედრული წარსულის ისტორიაში, როდესაც ქართველმა ჯარისკაცებმა, არტილერისტებმა უკუ აგდეს რუსეთის გენშტაბში დაგეგმილი მასირებული შეტევა, სადაც ჩართულნი იყვნენ არა მხოლოდ სეპარატისტული ბანდ ფორმირებები და დაქირავებული „ბოევიკები“, არამედ რუსეთის რეგულარული ჯარის ნაწილებიც. ქართულ არტილერიას მნიშვნელოვანი როლი აკისრია ქვეყნის თავდაცვაში, ის გამოირჩევა განსაკუთრებული სიმამაცით და ბრძოლისუნარიანობით. მინდა წარმატებები ვუსურვო ჩვენს არტილერიას და წარმატებები ვუსურვო საქართველოს თავდაცვის ძალებს“, - განაცხადა ირაკლი ბერაიამ.

პარლამენტის პრესსამსახურის ინფორმაციით, გმირთა მემორიალის გვირგვინით შემკობის ცერემონიას ვეტერანების საქმეთა სახელმწიფო სამსახურის ხელმძღვანელი, კობა კობალაძე და სამხედრო ვეტერანები დაესწრნენ.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს