საია მარტოხელა მამაკაცზე კანონით და იუსტიციის მინისტრის ბრძანებით ექსტრაკორპორულ განაყოფიერებაზე დადგენილ აკრძალვას საკონსტიტუციო სასამართლოში გაასაჩივრებს

საია საკონსტიტუციო სასამართლოში ასაჩივრებს „ჯანმრთელობის დაცვის შესახებ“ კანონით და საქართველოს იუსტიციის მინისტრის ბრძანებით დადგენილ აკრძალვას, რომლის მიხედვითაც, ექსტრაკორპორული განაყოფიერებით სარგებლობის შესაძლებლობა აქვს მხოლოდ წყვილებს (ცოლ-ქმარს ან 1 წლის განმავლობაში ერთად მცხოვრებ ქალსა და მამაკაცს).

საიას განცხადებით, შეზღუდვა არღვევს საქართველოს კონსტიტუციის მე-15 მუხლის პირველი პუნქტით აღიარებულ პირადი და ოჯახური ცხოვრების უფლებას.

„აღსანიშნავია ის გარემოება, რომ, საქართველოს კანონმდებლობით, სპერმის დონორობის გზით მარტოხელა ქალსაც აქვს დედად გახდომის შესაძლებლობა. რაც შეეხება მარტოხელა მამაკაცს, საქართველოს კანონმდებლობა ამ უკანასკნელს უკრძალავს ხელოვნური განაყოფიერების გზით გახდეს მამა.

იმისათვის, რომ მამაკაცმა ისარგებლოს ექსტრაკორპორული განაყოფიერების შესაძლებლობით, ამისათვის მას მოეთხოვება ან დაქორწინდეს ან კონკრეტულ მისამართზე, ერთი წლით, დარეგისტრირდეს ქალთან ერთად. ამასთან ასეთმა მამაკაცმა უნდა ამტკიცოს, რომ უნაყოფოა და არ შეუძლია ბუნებრივი გზით იყოლიოს შვილები, ექსტრაკორპორული განაყოფიერება ერთადერთი საშუალებაა შვილის ყოლისთვის. ამგვარი შეზღუდვა არღვევს საქართველოს კონსტიტუციის მე-15 მუხლის პირველი პუნქტით აღიარებულ პირადი და ოჯახური ცხოვრების უფლება. პირადი ცხოვრების უფლება მოიცავს ადამიანის უფლებას, ექსტრაკორპორული განაყოფიერების გზით გახდეს ბავშვის გენეტიკური მშობელი. სწორედ ამ უფლებას არღვევს „ჯანმრთელობის დაცვის შესახებ“ კანონი და საქართველოს იუსტიციის მინისტრის ბრძანება”,- აღნიშნავენ საია-ში.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს