შინაგან საქმეთა სამინისტროს სსიპ დაცვის პოლიციის დეპარტამენტი სამთო კურორტების უსაფრთხოების დაცვას უზრუნველყოფს.

როგორც „ინტერპრესნიუსს“ დაცვის პოლიციიდან აცნობეს, დაცვის პოლიციის თანამშრომლები გუდაურსა და ბაკურიანში არსებულ ტურისტულ ზონებში, საბაგიროებთან ტურისტების ნაკადის და სოციალური დისტანციის რეგულირებას ახორციელებენ.

მათივე ცნობით, დაცვის პოლიცია სამთო კურორტებზე კორონავირუსის გავრცელების პრევენციის მიზნით ჯანდაცვის სამინისტროს მიერ მოწოდებული რეკომენდაციების შესაბამისად მოქმედებს.