ირაკლი კობახიძე - ერთ მხარეს ვართ ჩვენ და საერთაშორისო პარტნიორები, მეორე მხარეს ოპოზიცია, რომელიც ამტკიცებს იმას, რაც ბუნებაში არ მომხდარა

რეალურად ერთ მხარეს ვართ ჩვენ და საერთაშორისო პარტნიორები და მეორე მხარეს არის ოპოზიცია, - ამის შესახებ "ქართული ოცნების" თავმჯდომარემ ირაკლი კობახიძემ ევროპული საბჭოს პრეზიდენტის შარლ მიშელის პირად წარმომადგენელთან კრისტიან დანიელსონთან შეხვედრის დასრულების შემდეგ განაცხადა.

მისივე თქმით, საერთაშორისო პარტნიორებს უკვე აქვთ საკუთარი შეფასებები.

"ჩვენ უკვე ვხედავთ იმას, რომ მედიატორი არცერთ ისეთ წინადადებას არ დააყანებს, რომელიც ეწინააღმდეგება სამართლიანობის პრინციპს, ამაში დარწმუნებული ვართ, მათ შორის გამომდინარე იმ დისკუსიებიდან, რომლებიც დღემდე გაიმართა. ეს განწყობებშიც არის გამოკვეთილი. საერთაშორისო პარტნიორებს აქვთ უკვე საკუთარი შეფასებები, მათ შორის იგივე არჩევნებთან დაკავშირებით. ეს შეფასებები არის გამოხატული კონკრეტულ დოკუმენტებში: არის "ოდირის" დასკვნა, IRI -ის დასკვნა არის, სხვა საერთაშორისო პარტნიორების დასკვნები და ყველა მათგანი ამბობს, რომ არჩევნები იყო კონკურენტული და ძირითადი პრინციპები იყო დაცული. ამ ყველაფერს არის აცდენილი ოპოზიციის შეფასება. შესაბამისად, რეალურად ერთ მხარეს ვართ ჩვენ და საერთაშორისო პარტნიორები და მეორე მხარეს არის ოპოზიცია, რომელიც ამტკიცებს იმას, რაც ბუნებაში არ მომხდარა. სამაგიეროდ შეგახსენებთ, რომ ჩვენ დავამტკიცეთ ოპოზიციის მიერ PVT -ის გაყალბება და 8%-იანი მაჩვენებლის გაყალბება, რაც არის ძალიან მძიმე შეცდომა და ბუნებრივია ეს უნდა იყოს პასუხისმგებლობის საგანი და არა ის, რაზეც ისინი საუბრობენ ასე ყალბად", - განაცხადა კობახიძემ.

შეგახსენებთ, რომ კრისტიან დანიელსონი, რომელიც დღეს ბრიუსელში უნდა დაბრუნებულიყო, საქართველოში დარჩა და ქვეყნის კრიზისიდან გამოყვანის მიზნით, პოლიტიკურ აქტორებთან შეხვედრებს აგრძელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით