ირაკლი ღარიბაშვილი - მთელი ცივილიზებული ევროპის და შარლ მიშელის საბოლოო სურვილი და ამოცანაა, რომ ჩვენ, ხელისუფლებამ ოპოზიციასთან ერთად  გავაგრძელოთ მუშაობა პარლამენტში

მთელი ცივილიზებული ევროპის და ამ შემთხვევაში, იგივე ბატონი შარლ მიშელის საბოლოო სურვილი და ამოცანაა, რომ ჩვენ, ხელისუფლებამ ოპოზიციასთან ერთად გავაგრძელოთ მუშაობა პარლამენტში, - ამის შესახებ საქართველოს პრემიერ-მინისტრმა, ირაკლი ღარიბაშვილმა ბრიუსელში ვიზიტისას ჟურნალისტებს განუცხადა.

როგორც მთავრობის მეთაურმა აღნიშნა, გამოსავალი უნდა მოიძებნოს, მაგრამ ეს არ მოხდება სახელმწიფოს ინტერესების ხარჯზე.

„დღეს გვქონდა ძალიან ნაყოფიერი შეხვედრა პრეზიდენტ შარლ მიშელთან. მინდა მას კიდევ ერთხელ მადლობა გადავუხადო იმისთვის, რომ უშუალოდ არის ჩართული მედიაციის პროცესში. მისი წარმომადგენელი იმყოფება ამჟამად თბილისში და აგრძელებს მოლაპარაკებებს, როგორც ოპოზიციასთან, ისე ჩვენს პარტიასთან. პროცესი გრძელდება. ჩვენ ხვალაც გვექნება დიალოგის შესაძლებლობა. მინდა, ერთი რამ კიდევ ერთხელ ცხადად განვაცხადო - ჩვენ ვართ მოწოდებული იმისთვის, რომ გამოსავალი ვიპოვოთ, მაგრამ ეს არცერთ შემთხვევაში არ მოხდება ჩვენი სახელმწიფოს ინტერესების ხარჯზე. ჩვენ რა თქმა უნდა, ვართ მზად, რომ სამართლიანი გადაწყვეტილება იყოს მიღებული. ეს უნდა იყოს ყველასთვის მეტ-ნაკლებად მისაღები კომპრომისი. ჩვენ ღიად ვთქვით იმის თაობაზე, თუ რა არის ჩვენი პოზიცია. მე ბატონ შარლ მიშელს გავუზიარე ჩვენი პარტიის, მთავრობის სახელით ჩვენი პოზიცია და მან, ბუნებრივია, ყურადღებით მოისმინა ჩვენი შეთავაზებები. მოგეხსენებათ, რომ ოპოზიცია ბოლო დღეების განმავლობაში განსაკუთრებული დესტრუქციული მანერით ცდილობს, რომ ხელი არ შეუწყოს ამ დიალოგის პროცესს, არამედ პირიქით, გააღრმავოს უფსკრული. ამის არაერთი მცდელობა, არაერთი პროვოკაცია ვნახეთ ბოლო დღეების განმავლობაში. იმედი მაქვს, ოპოზიცია გააგრძელებს კონსტრუქციულ დიალოგს. საბოლოო ჯამში, მთელი ცივილიზებული ევროპის და ამ შემთხვევაში, იგივე ბატონი შარლ მიშელის საბოლოო სურვილი და ამოცანაა, რომ ჩვენ, ხელისუფლებამ, ოპოზიციასთან ერთად გავაგრძელოთ მუშაობა პარლამენტში. ეს არის ჩვენი საბოლოო ამოცანა. ამას როგორ მივაღწევთ, გამოჩნდება მომდევნო დღეებში. თავს შევიკავებ ჩვენი კონკრეტული პოზიციების გახმოვანებისგან, ვინაიდან შეთანხმება და მოლაპარაკებები დასრულებული არ არის", - განაცხადა ირაკლი ღარიბაშვილმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ