მამუკა მდინარაძე - როცა პარტიის ლიდერები მოლაპარაკების მაგიდასთან სხდებიან, იციან, რომ მათ მიერ წარდგენილი პოზიცია არის გუნდის პოზიცია, შეთანხმებული და შეჯერებული

გარდა იმისა, რომ ფრაქციის წევრების დღევანდელი შეხვედრა გეგმური იყო, ასევე დამატებითი დასტური იყო, რომ ჩვენი გუნდის ლიდერები მოლაპარაკებების პროცესში არიან გუნდის მხრიდან მხარდაჭერილი ყველა დეტალზე, - ეს განცხადება ფრაქცია "ქართული ოცნების" სხდომის დასრულების შემდეგ მამუკა მდინარაძემ გააკეთა.

მდინარაძის ცნობით, ფრაქციის სხდომაზე პლენარული სხდომების დღის წესრიგის გარდა, მსჯელობა მოლაპარაკებების პროცესთან დაკავშირებითაც შედგა.

"იცით, რომ ფორსირებულ რეჟიმში მიმდინარეობს მოლაპარაკებები პარტნიორების მედიაციით. ბუნებრივია, თითოეულ დეტალზე იყო მსჯელობა. როცა გუნდის ლიდერები მოლაპარაკების მაგიდასთან სხდებიან, იციან, რომ მათ მიერ წარდგენილი პოზიცია სამართლიან საკითხებზე არის ასევე გუნდის პოზიცია, შეთანხმებული და შეჯერებული, რომელსაც გუნდი ეთანხმება", - განუცხადა მდინარაძემ ჟურნალუსტებს პარლამენტში გამართული შეხვედრის დასრულების შემდეგ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით