თბილისის საკრებულოს ისნის რაიონის მაჟორიტარმა დეპუტატმა ლევან დავითაშვილმა, ამავე რაიონის გამგებელ კახა ლაბუჩიძესთან ერთად, ბინათმესაკუთრეთა ამხანაგობის პროგრამის ფარგლებში, მაჟორიტარულ ოლქში მიმდინარე და დასრულებული სამუშაოები დაათვალიერა.
როგორც „ინტერპრესნიუსს“ თბილისის საკრებულოდან აცნობეს, ბინათმესაკუთრეთა ამხანაგობის პროგრამის ფარგლებში, სამუშაოები ვაზისუბნის და კახეთის გზატკეცილის რამდენიმე მისამართზე წარმოებს. ამ მისამართებზე საკანალიზაციო ქსელის მოწყობა, სადარბაზოს კარის მონტაჟი, სადარბაზოს შესასვლელის გადახურვა და კიბის მოწყობის სამუშაოები მიმდინარეობს.
როგორც ისნის რაიონის მაჟორიტარმა წევრმა ლევან დავითაშვილმა განაცხადა, ბინათმესაკუთრეთა ამხანაგობის პროგრამის ფარგლებში სხვადასხვა მისამართებზე სარემონტო სამუშაოები მომავალშიც გაგრძელდება.