პარლამენტმა კომუნიკაციების კომისიის წევრის ორ ვაკანტურ თანამდებობაზე, ხმათა უმრავლესობით, ნათია კუკულაძე და ეკატერინე იმედაძე აირჩია.
ნათია კუკულაძე 79 ხმით (ერთი - წინააღმდეგი), ხოლო ეკატერინე იმედაძე 81 ხმით (ორი - წინააღმდეგი) აირჩიეს.
კომუნიკაციების კომისიაში არსებულ ორ ვაკანტურ თანამდებობაზე ასარჩევად პრეზიდენტის მიერ ექვსი კანდიდატი იყო წარდგენილი. კერძოდ, პარლამენტისთვის ერთ ვაკანტურ თანამდებობაზე ასარჩევად წარდგენილი იყო ეკატერინე იმედაძის, ივანე მახარაძისა და თამარ ჭელიძის კანდიდატურები და კიდევ ერთ ვაკანტურ ადგილზე - ნათია კუკულაძის, ირაკლი ბუთბაიასა და ოლია ვოტის კანდიდატურები.
კანონის გათვალისწინებით, კომუნიკაციების კომისიაში არსებულ ვაკანტურ თანამდებობებზე წარსადგენი კანდიდატები მთავრობის ორგანიზებით ჩატარებულ კონკურსზე შეირჩა.