ამირან გამყრელიძე - წყალმაც კი შეიძლება გამოიწვიოს გვერდითი ეფექტი, ვაქცინასაც აქვს, მაგრამ სარგებელი ათასჯერ მეტია - 359 მილიონი ადამიანია აცრილი და შემდგომი გართულებით არცერთი ფატალური შედეგი არ არის

ვაქცინის სარგებელი არის ასჯერ და ათასჯერ მეტი, ვიდრე გვერდითი მოქმედება. დღეს, მთელს მსოფლიოში დაახლოებით აცრილია 359 მილიონი ადამიანი და აცრის შემდგომი გართულებით არცერთი ფატალური შედეგი არ არის, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა, რითაც კორონავირუსის აცრის მნიშვნელობაზე ისაუბრა.

ამირან გამყრელიძის განცხადებით, საქართველო „კოვაქსის“ გარდა ძალიან ბევრ ქვეყანასთან მუშაობს.

„წელს ჩვენ ვაქცინის 3,9 მილიონ დოზას უნდა გავუკეთოთ მობილიზაცია, იმისათვის, რომ ავცრათ 1 700 000 ადამიანი. ორჯერადად ეს არის 3,4 მილიონი ინექცია და კიდევ უნდა იანგარიშოთ დანაკარგი, რომელიც ყოველთვის არის იმუნიზაციის პროცესში და დაახლოებით ამდენი ვაქცინა გვჭირდება. 1 მილიონ 400 ათასი გარანტირებულია „კოვაქსით“, რომ წლის განმავლობაში შემოვა დანარჩენი, ორნახევარი მილიონი ქვეყანამ მოლაპარაკებით უნდა მოიპოვოს. ამის ბევრი კონტრაქტი უკვე არსებობს, იმისათვის, რომ ქვეყანამ ეს დანარჩენი, ორნახევარი მილიონი მობილიზაცია გააკეთოს. ახლა, ჯერი ჩვენზე, მედიცინის მუშაკებზეა, რომ აცრის დამყოლობა იყოს და ეს ყველაფერი ორგანიზებულად გაკეთდეს.

მინდა ხაზი გავუსვა, ხშირად არის საუბარი გვერდით მოქმედებებზე. გვერდითი მოქმედებები ყველა წამალს და ყველა ნივთიერებას აქვს. გარკვეული დოზით მიღებულმა წყალმაც კი შეიძლება გამოიწვიოს გვერდითი ეფექტი. რა თქმა უნდა ვაქცინასაც აქვს გვერდითი ეფექტი, მაგრამ ვაქცინის სარგებელი არის ასჯერ და ათასჯერ მეტი ვიდრე მისი გვერდითი მოქმედება. დღეს, მთელს მსოფლიოში დაახლოებით აცრილია 359 მილიონი ადამიანი და აცრის შემდგომი გართულებით არცერთი ფატალური შედეგი არ არის. მაშინ, როცა 120 მილიონი ადამიანი დაავადდა კოვიდიფექციით და სამწუხაროდ, 2,6 მილიონი ადამიანი, ყველა ინფიცირებულის 2,2% დაიღუპა. აქედან გამომდინარე ავწონოთ სარგებელი და რისკი. ამიტომ, უმორჩილესად გთხოვთ და ყველას მოგიწოდებთ, რომ მივყვეთ მოწოდებებს“, - განაცხადა ამირან გამყრელიძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო