ანრი ოხანაშვილი - თუკი ვინმე კითხვის ნიშანს დასვამს არჩევნების მიმართ, ეს ნიშნავს, რომ კითხვებს ევროპული ინსტიტუციებისადმი სვამენ

მაშინ, როდესაც ყველა ჩვენი დასავლელი პარტნიორი, ყველა ევროპული ინსტიტუტი ცალსახად მიუთითებს, რომ საქართველოში არჩევნები შედგა და იყო დემოკრატიული, არჩევნებისადმი კითხვის ნიშნები ვერავითარ ლეგიტიმურობას ვერ შეიძენს, - ეს განცხადება ჟურნალისტებთან "ქართული ოცნების" დეპუტატმა ანრი ოხანაშვილმა გააკეთა.

მისივე შეფასებით, ბრიუსელიდან გაკეთებული გზავნილებით კიდევ ერთხელ აღინიშნა, რომ გზა, რომელიც პარლამენტს მიღმა, ქუჩაში გადის, საქართველოს არჩევანს არ შეესაბამება.

"ევროპელი პარტნიორები ჩვენი ოპოზიციონერი კოლეგების არჩევანს არ იწონებენ. შესაბამისად დასკვნა მარტივია, ნებისმიერი პოლიტიკური პროცესი მხოლოდ საკანონმდებლო ორგანოში უნდა წარიმართებოდეს, ხოლო პროცესების საკანონმდებლო ორგანოს გვერდის ავლით წარმართვა არც ევროპის და არც ჩვენი სხვა სტრატეგიული პარტნიორების ინტერესებში არ შედის, რადგან ეს არ არის გზა დემოკრატიისაკენ. პირიქით, ეს ხელს უშლის ქვეყნის გრძელვადიან განვითარებას. ჩვენი პარტნიორები ასეთი ფორმით სვლას არ იწონებენ", - განუცხადა ჟურნალისტებს ანრი ოხანაშვილმა.

აქვე ოხანაშვილმა დასძინა, რომ საპარლამენტო არჩევნების შეფასებისას პარტნიორები ეუთო/ოდირის დასკვნას ეყრდნობიან, რომელიც არ სვამს კითხვებს არჩევნების კონკურენტულ პირობებში, დემოკრატიის პრინციპების დაცვით ჩატარების თაობაზე.

"თუკი ვინმე კითხვის ნიშანს დასვამს არჩევნების მიმართ, ეს იმას ნიშნავს, რომ კითხვებს ევროპული ინსტიტუციებისადმი სვამენ, არ ენდობიან ევროპელ დიპლომატებს და არ ენდობიან ისეთ ინსტიტიციას, როგორიცაა ეუთო/ოდირი", - განაცხადა ოხანაშვილმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“