დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელის ხათუნა ზახაშვილის განცხადებით, პედაგოგების ვაქცინაცია იგეგმება.
როგორც მან აღნიშნა, გეგმის მიხედვით, მასწავლებლების ვაქცინაცია მესამე ეტაპზე უნდა დაიწყოს.
“პედაგოგების ვაქცინაცია ჩვენს გეგმაში არის გაწერილი. რა თქმა უნდა, გათვალისწინებულია და ვიცით, რომ პედაგოგების საზოგადოება აუცილებლად უნდა აიცრას. ეს არის საკმაოდ ორგანიზებული კოლექტივი, რომელიც ვაქცინაციისკენ ჩვენი გეგმის მიხედვით მესამე ეტაპზე მიემართება, ეს გაწერილი გვაქვს გეგმაშიც“, - განაცხადა ზახაშვილმა.