ირაკლი ღარიბაშვილი ევროპარლამენტის სოციალ-დემოკრატიული ფრაქციის პრეზიდენტს შეხვდა

საქართველოს პრემიერ-მინისტრი ირაკლი ღარიბაშვილი ევროპარლამენტის სოციალ-დემოკრატიული ფრაქციის პრეზიდენტს ირაჩე გარსიას შეხვდა.

როგორც მთავრობის ადმინისტრაციიდან „ინტერპრესნიუსს“ აცნობეს, ევროპარლამენტში გამართულ შეხვედრაზე საუბარი შეეხო საქართველო-ევროკავშირის ურთიერთობების აქტუალურ საკითხებს.

პრემიერ-მინისტრმა აღნიშნა, რომ საქართველოს ხელისუფლება დგამს მნიშვნელოვან ნაბიჯებს ქვეყნის ევროპული ინტეგრაციისთვის, წარმატებით ახორციელებს ასოცირების შეთანხმების შესრულებას და 2024 წელს გეგმავს ევროკავშირის სრულფასოვან წევრობაზე ოფიციალური განაცხადის გაკეთებას.

მთავრობის მეთაურმა საქართველოს ევროპული ინტეგრაციის პროცესის, უსაფრთხოების, სუვერენიტეტისა და ტერიტორიული მთლიანობისადმი ევროპარლამენტს აქტიური მხარდაჭერისთვის მადლობა გადაუხადა.

ყურადღება ასევე დაეთმო ქვეყანაში მიმდინარე პოლიტიკურ პროცესებს. ხაზი გაესვა ევროპული საბჭოს პრეზიდენტის ინიციატივით დაწყებული მედიაციის პროცესის დიდ მნიშვნელობას და მის კონსტრუქციულ, დიალოგის რეჟიმში წარმართვის აუცილებლობას. პრემიერ-მინისტრმა კიდევ ერთხელ დაადასტურა ხელისუფლების მზაობა ევროკავშირის მხარდაჭერით მიმდინარე დიალოგისთვის, რომელიც დეესკალაციას და პროცესის პარლამენტში გადატანას შეუწყობს ხელს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა