შაქარაშვილის საქმეზე ბრალდებულები -  არჩილ გაგნიძე, ნიკოლოზ რევაზიშვილი და ვახტანგ ჩიქოვანი ნაფიც მსაჯულთა სასამართლოზე უარს ამბობენ

ფეხბურთელ გიორგი შაქარაშვილის საქმეზე ძალადობის ეპიზოდზე ბრალდებულები - არჩილ გაგნიძე, ნიკოლოზ რევაზიშვილი და ვახტანგ ჩიქოვანი ნაფიც მსაჯულთა სასამართლოზე უარს ამბობენ. როგორც „ინტერპრესნიუსთან“ საუბარში გაგნიძის ადვოკატი ვასილ მამულაშვილი აცხადებს, ადვოკატებმა ბრალდებულებთან კონსულტაცია გაიარეს, რის შემდეგაც, ერთობლივად მიიღეს გადაწყვეტილება, რომ მათი საქმის განხილვა ნაფის მსაჯულთა სასამართლოს არ მიანდონ.

როგორც მამულაშვილი განმარტავს, ბრალდებულების სხვა ეპიზოდზე - გიორგი შაქარაშვილის მკვლელობის საქმეზე სასამართლოს მიერ მათი დამნაშავედ ცნობა, ნაფიც მსაჯულებზეც იქონიებს გავლენას, რომლებმაც სამ ბრალდებულს ძალადობის ნაწილში ვერდიქტი უნდა გამოუტანონ.

„ნაფიც მსაჯულთა სასამართლოს მეშვეობით საქმის განხილვა ბრალდებულთა ექსკლუზიური უფლებაა და ბრალდებულების გადასაწყვეტია, განიხილოს თუ არა საკუთარი საქმე ნაფიც მსაჯულთა სასამართლომ. დღევანდელი მდგომარეობით, ვინაიდან მკვლელობის ბრალდების საქმეზე ყოვლად უკანონო, დაუსაბუთებელი და თვითნებული გადაწყვეტილება დადგა, ჩვენი კონსულტაციის შედეგად, მაღალი ალბათობით, ბრალდებულები დღესვე უარს იტყვიან ნაფიც მსაჯულთა სასამართლოზე და საქმე დაუბრუნდება მცხეთის რაიონულ სასამართლოს. რაც შეეხება მიზეზს, ნაფიც მსაჯულთა სასამართლო ასე რომ ვთქვათ, საზოგადოებრივი სასამართლოა, სადაც უბრალო ადამიანები იღებენ გადაწყვეტილებას, რომლებიც დამოუკიდებლები უნდა იყვნენ და არავისგან, არაფრისგან გავლენა არ უნდა ჰქონდეთ. ამ შემთხვევაში, ვინაიდან ბრალდებულების მიმართ სხვა ეპიზოდზე უკანონო გადაწყვეტილება გამოვიდა, ეს პირდაპირ პროპორციულად იმოქმედებს მათ დამოუკიდებლობაზე და გავლენის მომხდენი იქნება. ჩვენ დარწმუნებული ვართ, რომ უახლოეს პერიოდში ეს საქმე გაუქმდება, თუმცა, გაუქმების შემდეგ, ვეღარ ავუხნით ნაფიც მსაჯულებს, რომ თურმე, ეს უკანონო გადაწყვეტილება ყოფილა და არ უნდა გაეთვალისინებინათ ის განაჩენი.

მცხეთის სასამართლოში უარესი მდგომარეობა დაგვხვდება, სავარაუდოდ, ეს საქმე მოსამართლე ვაჟა ფუხაშვილს დაეწერება, რომელიც შემსრულებელი, გამოცდილი მონაა, ჩვენ მონათმფლობელურ საზოგადოებაში არ ვართ, თუმცა, სასამართლო სისტემაში დღემდე არიან მონები, რომლებიც კონკრეტულ დავალებებს ასრულებენ. მათ შორის, სტურუა არის ახლად გამომცხვარი მონა, თუმცა, ფუხაშვილი ამ წლების განმავლობაში უსიტყვოდ ასრულებდა სხვადასხვა მითითებებს, ეს დაუფასეს და მცხეთის სასამართლოში უვადოდაა განმწესებული. მცხეთის სასამართლოთი არ დაწყებულა არც სამართალი და არც სამართლიანობა და არც სრულდება. ჩვენ ყველა ინსტანციას მოვივლით და ეს საქმე ადამიანის უფლებათა ევროპულ სასამართლოში განაცხადის წარდგენის შემდეგ, კონვენციის რამდენიმე ნორმის დარღვევის დადგენის შემდეგ, იქნება აღიარება თუ რა მართლმსაჯულება, რა სისტემა გვაქვს და ეს საქმე გახდება იმის საფუძველი, დაიწყოს რეალური რეფორმა სასამართლო სისტემაში. თუ კონვენციის რამდენიმე ნორმის დარღვევა დადგინდება, ეს საფუძველი გახდება აღნიშნულ საქმეებზე მართლმსაჯულება დამატებით განხორციელდეს, გახდება საფუძველი უკვე დასრულებული და კანონიერ ძალაში შესული გადაწყვეტილებების გადახედვის“, - განაცხადა მამულაშვილმა.

ცნობისთვის, არჩილ გაგნიძეს, ვახტანგ ჩიქოვანსა და ნიკოლოზ რევაზიშვილის ფეხბურთელ გიორგი შაქარაშვილის საქმეზე ჯგუფურ ძალადობას, ორგანიზებასა და მასში მონაწილეობას ედავებიან. აღნიშნულ ეპიზოდზე ასევე ბრალდებულია კიდევ 8 სრულწლოვანი პირი, რომელთა საქმესაც თბილისის საქალაქო სასამართლო განიხილავს.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა