პრემიერ-მინისტრი საქართველოს საკითხზე ევროპარლამენტის მომხსენებელს, სვენ მიკსერს შეხვდა

საქართველოს პრემიერ-მინისტრი ირაკლი ღარიბაშვილი, საქართველოს საკითხზე ევროპარლამენტის მომხსენებელს, სვენ მიკსერს შეხვდა. მთავრობის ადმინისტრაციის ინფორმაციით, შეხვედრაზე ყურადღება გამახვილდა ასოცირების შეთანხმებაზე და საქართველოს მიერ მიღწეულ პროგრესზე, მათ შორის დემოკრატიული რეფორმების განხორციელების თვალსაზრისით. განიხილეს საქართველო-ევროკავშირის ასოცირების საბჭოს სხდომის შედეგები. მთავრობის მეთაურმა სვენ მიკსერს საქართველოს ევროპული და ევროატლანტიკური ინტეგრაციის პროცესის მტკიცე მხარდაჭერისთვის მადლობა გადაუხადა.

„შეხვედრისას საუბარი შეეხო ქვეყანაში მიმდინარე პოლიტიკური პროცესებს და ევროკავშირის მედიაციით მიმდინარე დიალოგს. პრემიერ-მინისტრმა კიდევ ერთხელ დაადასტურა საქართველოს ხელისუფლების მზადყოფნა კონსტრუქციული დიალოგისთვის და აღნიშნა, რომ ევროკავშირის ჩართულობა პროცესში მიუთითებს, თუ რაოდენ მნიშვნელოვანია საქართველოში სტაბილურობა პარტნიორებისთვის. აღინიშნა, რომ მხარეებს ეკისრებათ დიდი პასუხისმგებლობა, რადგან ქვეყნის ინტერესებიდან გამომდინარე, აუცილებელია, მიღწეულ იქნას კომპრომისული გადაწყვეტილება და პოლიტიკურმა პროცესებმა პარლამენტში გადაინაცვლოს“, - ნათქვამია ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს