ევროპარლამენტის სოციალ-დემოკრატიული ფრაქციის პრეზიდენტი ირაჩე გარსია საქართველოს პრემიერ-მინისტრ ღარიბაშვილთან შეხვედრას სოციალურ ქსელ „ტვიტერში“ ეხმაურება და მას ნაყოფიერად აფასებს.

ევროპარლამენტარის შეფასებით, მნიშვნელოვანია, რომ ყველა პოლიტიკურმა მხარემ მიმართოს ძალისხმევა მიმდინარე პოლიტიკური კრიზისის სწრაფად გადაჭრისკენ.

„გვქონდა ნაყოფიერი შეხვედრა საქართველოს პრემიერ-მინისტრ ღარიბაშვილთან. კიდევ ერთხელ დავადასტურეთ ჩვენი ურყევი გადაწყვეტილება ასოცირების ხელშეკრულების შესაბამისად პოლიტიკური და ეკონომიკური ინტეგრაციის გაღრმავებასთან დაკავშირებით. არსებითად მნიშვნელოვანია, რომ ყველა პოლიტიკურმა მხარემ მიმართოს ძალისხმევა მიმდინარე პოლიტიკური კრიზისის სწრაფად გადაჭრისკენ,“- წერს ირაჩე გარსია.