აკაკი მინაშვილი - თუ პოლიტპატიმრები არ გათავისუფლდნენ და ვადამდელი არჩევნები არ ჩატარდება, ეს ნიშნავს, რომ „ოცნება“ წავა ევროპის წინააღმდეგ და შეთანხმება არ შედგება

ჩვენი მკაფიო პოზიციაა, რომ გათავისუფლდნენ პოლიტპატიმრები და ჩატარდეს ვადამდელი არჩევნები - თუ ამ საკითხებზე არ იქნება კომპრომისი „ქართული ოცნების“ მხრიდან, მაშინ ეს ნიშნავს იმას, რომ „ოცნება“ წავიდა ევროპის წინააღმდეგ და შეთანხმება არ შედგება, - ამის შესახებ „ერთიანი ნაციონალური მოძრაობის“ წევრმა აკაკი მინაშვილმა ხელისუფლებისა და ოპოზიციის შეხვედრის დაწყებამდე განაცხადა.

მისი თქმით, თუ „ქართული ოცნება“ აგრესიულ რიტორიკას გაარძელებს, ეს ნიშანვს იმას, რომ ევროპისკენ კარს ხურავენ.

„მინდა კიდევ ერთხელ გავიმეორო ჩვენი ძალიან მტკიცე და მკაფიო პოზიცია, რაც ამდენი ხნის განმავლობაში ვსაუბრობთ იმისთვის, რომ ქვეყანაში კრიზისი გადაწყდეს, ეს არის გათავისუფლდნენ პოლიტპატიმრები და ჩატარდეს ვადამდელი არჩევნები. ეს არის მთავარი საკითხები და თუ ჩვენ ამ საკითხებზე არ გვექნება შენხვედრი ნაბიჯი საქართველოს ხელისუფლებისგან და თუ ამ მოთხოვნებსა და პრიორიტეტულ საკითხებზე არ იქნება კომპრომისი „ქართული ოცნების“ მხრიდან, მაშინ ეს ნიშნავს იმას, რომ „ოცნება“ წავიდა ევროპის წინააღმდეგ და შეთანხმება არ შედგება.

ჩვენ მოვისმინეთ პრემიერ-მინისტრის უტიფარი განცხადებები ბრიუსელში და ასევე, აქ კობახიძის და თალაკვაძის განცხადებები. მათ განაცხადეს, რომ არც არჩევნები არ იქნება და არც პოლიტპატიმრები გათავისუფლდებიან. ამ შემთხვევაში ჩვენი პოზიცია არის და გავიმეორებ - თუ ნიკა მელია და გიორგი რურუა არ იქნებიან გათავისუფლებული და თუ არ იქნება ვადამდელი არჩევნები და ეს საკითხები არ იქნება გადაწყვეტილი, მაშინ შეთანხმება ვერ შედგება. თუ ეს აგრესიული რიტორიკა „ოცნებისგან“ გაგრძელდა, ეს ნიშანვს იმას, რომ ევროპისკენ კარს ხურავენ“ , - განაცხადა მინაშვილმა.

ცნობისთვის, ამ წუთებში „ქართულ ოცნებასა“ და ოპოზიციურ პარტიებს შორის ევროკავშირის ოფისში, მედიატორ კრისტიან დანიელსონის ჩართულობით შეხვედრა მიმდინარეობს.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 10.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო