რუსთავის პენიტენციურ დაწესებულებასთან „ნაციონალური მოძრაობის“ წევრების მიერ ორგანიზებული აქცია დასრულდა. აქციის დასრულებისას აქტივისტებმა საქართველოს ჰიმნი შეასრულეს.
შეგახსენებთ, „ნაციონალური მოძრაობის” აქტივისტები ავტომსვლელობით რუსთავის პენიტენციურ დაწესებულებასთან მივიდნენ. ისინი პარტიის თავმჯდომარე ნიკა მელიას შეძახილებით: „ნიკა, ნიკა“ მიმართავდნენ.
აქციის მონაწილეებს ხელში საქართველოს დროშები ეჭირათ, ასევე სახეზე ნაჭრები წარწერით: ,,Freedom for fox - თავისუფლება მელიას” ეკეთათ.
ნიკა მელია „ნაცმოძრაობის” მხარდამჭერებს რუსთავის პენიტენციური დაწესებულებიდან მიესალმა.