გოჩა თევდორაძე - წინ მივდივართ ნაბიჯ-ნაბიჯ, მაგრამ მივალთ თუ არა საბოლოო შეთანხმებამდე, ამაზე საუბარი ნაადრევია - „პატრიოტთა ალიანსისთვის“ უმთავრესი ვადამდელი არჩევნებია

წინ მივდივართ ნაბიჯ- ნაბიჯ, მაგრამ მივალთ თუ არა საბოლოო შეთანხმებამდე, ამაზე საუბარი ნაადრევია - პოზიტიურად რაიმეს თქმა ძნელია, - ამის შესახებ „საქართველოს პატრიოტთა ალიანსის“ აღმასრულებელმა მდივანმა, გოჩა თევდორაძემ ევროპის საბჭოს პრეზიდენტის, შარლ მიშელის სპეციალური წარმომადგენლის კრისტიან დანიელსონის მედიაციით მიმდინარე „ქართული ოცნებისა“ და ოპოზიციის ლიდერების შეხვედრიდან გამოსვლის შემდეგ განაცხადა.

მისივე თქმით, დღეს ეს შეხვედრები სრულად არ დასრულდება და დოკუმენტზე მუშაობა გაგრძელდება.

„ვფიქრობ, რომ დღეს ეს შეხვედრები სრულად არ დასრულდება, გაგრძელდება მუშაობა დოკუმენტზე. კარგი იქნება, თუ საბოლოოდ მივაღწევთ შეთანხმებას. ჯერჯერობით, გითხრათ, რომ შეთანხმებამდე ძალიან სწრაფად მივდივართ, ან ძალიან შორს ვართ შეთანხმებამდე, ასეთ მოსაზრებებზე ვერ ვისაუბრებ. პუნქტები იცით, საზოგადოებისთვის ცნობილია ის 6 პუნქტი, რომელიც თეზისების სახით ჩამოყალიბდა, ახლა უკვე ამ საკითხებს უფრო ღრმა დოკუმენტის სახე აქვს. ჯერჯერობით, საბოლოო შეთანხმებამდე ძალიან შორს ვართ. დღეს ეს პროცესი არ დასრულდება, გაგრძელდება ხვალაც.

ვფიქრობთ, რომ წინ მივდივართ ნაბიჯ-ნაბიჯ, მაგრამ მივალთ თუ არა საბოლოო შეთანხმებამდე, ამაზე საუბარი ნაადრევია. „პატრიოტთა ალიანსისთვის“ უმთავრესი ვადამდელი არჩევნებია, კონსტრუქციული მუშაობა მიდის“, - განაცხადა თევდორაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა