რომან გოცირიძე - ღარიბაშვილმა იბაქიბუქა - მისი განცხადება არ ნიშნავდა იმას, რომ არჩევნები 2024 წელს ჩატარდება და რიგგარეშე არჩევნებზე არ იმსჯელებენ

ღარიბაშვილმა იბაქიბუქა - მისი განცხადება ირიბი მინიშნებაა, რომ თუ პლებისციტი იქნება, მოვიგებთ, არჩევნების საკითხის რაღაცასთან მიბმა თუ იქნება, ეს ჩვენს სასარგებლოდ გადაწყდება - ღარიბაშვილის განცხადება ამას ნიშნავდა და არა იმას, რომ “არჩევნები ჩატარდება 2024-ში და ჩვენ რიგგარეშე არჩევნებზე არ ვმსჯელობთ” ,- ამის შესახებ „ნაციონალური მოძრაობის“ ერთ-ერთმა ლიდერმა რომან გოცირიძემ ტელეკომპანია „პალიტრანიუსის“ გადაცემა „დღის ნიუსრუმში“ განაცხადა, რითაც გამოეხმაურა ირაკლი ღარიბაშვილის განცხადებას, რომ „არჩევნები 2024 წელს ჩატარდება“.

მისივე თქმით, ღარიბაშვილის განცხადება არასერიოზულია.

„მათი ხმამაღალი განცხადებები უნდა აღვიქვათ იმად, რომ ისინი იძულებულები გახდებიან, წავიდნენ კომპრომისზე. ხმამაღალი განცხადებები მათი გადაწყვეტილების მიღების ფონია“,- განაცხადა გოცირიძემ.

ამასთან, როგორც რომან გოცირიძე აღნიშნავს, „ქართული ოცნება“ კრიზისს ვერ გადაიტანს.

„ამ კრიზისს ეს ხელისუფლება ვერ გადაიტანს. შეიძლება გადააგოროს, ერთი თვით ან რამდენიმე თვით. ივანიშვილი აწვალებს „ქართულ ოცნებას“ - რომ გყავს ძაღლი, გინდა რომ კუდი მოჭრა, მაგრამ ინდობ - ჯერ ერთს მოჭრი, მერე მეორეს, მესამეს და ასე წვალებ-წვალებით მიდიხარ შედეგამდე. ივანიშვილმა უნდა დაამთავროს და უთხრას თავის გუნდს, ნუ წვალობენ, უნდა გადაიჭრას ეს საკითხი, რომ პოლიტიკური კვანძი გაიხსნას და პროცესები დაიწყოს. პროცესების დაწყება ივანიშვილის პირდაპირი მითითების გარეშე არ ხდება. როგორც ჩანს, ეს კაცი არის განცდებში, რაღაცას ელოდება“,- განაცხადა გოცირიძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო