გოგი წულაიას ადვოკატი - სექსუალური ძალადობა გამორიცხულია, გულის უმძიმესი ოპერაცია აქვს გაკეთებული

სექსუალური ძალადობა გამორიცხულია, ადამიანს 6 თვის წინ, გულის უმძიმესი ოპერაცია ჰქონდა გაკეთებული,- ამის შესახებ პოლიტიკოსის, გოგი წულაიას ადვოკატმა, ვალერი გელბახიანმა „ინტერპრესნიუსთან“ საუბრისას განაცხადა.

როგორც ადვოკატი აცხადებს, გოგი წულაია ბრალს არ აღიარებს. ამასთან, ის ქალზე სექსუალურ ძალადობას უარყოფს.

“სექსუალური ძალადობა გამორიცხულია. ამას სჭირდება სხვა სახის მტკიცებულებები, მარტო განცხადება არ სჭირდება. დასამტკიცებელია თავისით მიიღო დაზიანება, თუ სხვის მიერ იქნა მიყენებული. არ ვიცით, არის თუ არა წარმოდგენილი ისეთი მტკიცებულებები, რომელიც ამას დაადასტურებს. ბევრი რამეა გასარკვევი. მე ვესაუბრე წულაიას და უარყოფს, არ მინახავს მტკიცებულებები, ვნახავ და შემდეგ ვიტყვი ჩემ აზრს. ადამიანს 6 თვის წინ, გულის უმძიმესი ოპერაცია ჰქონდა გაკეთებული, აკრძალული აქვს როგორც ალკოჰოლის მიღება, ასევე სექსუალური კავშირი“, - აცხადებს ადვოკატი.

შეგახსენებთ, შინაგან საქმეთა სამინისტროს ინფორმაციით, პოლიტიკოსი გოგი წულაია ნაცნობ ქალზე ძალადობის ბრალდებით დააკავეს. უწყების ცნობით, წულაიამ ნაქირავებ ბინაში ქალზე ფიზიკურად იძალადა. გამოძიება საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს, რაც ძალადობას გულისხმობს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება