არჩილ თალაკვაძე - ვემიჯნებით ყოველგვარ გასროლებს პოლიტიკური პლაკატების მიმართულებით

პარლამენტის თავმჯდომარე არჩილ თალაკვაძე იმედოვნებს, რომ "ნაციონალური მოძრაობის" თავმჯდომარის, ნიკა მელიას პლაკატის დაზიანების საკითხი საფუძვლიანად იქნება გამოძიებული. ამის შესახებ თალაკვაძემ ჟურნალისტებს განუცხადა.

"ჩემი პასუხი ასეთი იქნებოდა, ჩვენ ვემიჯნებით ყოველგვარ გასროლებს პოლიტიკური პლაკატების მიმართულებით და ასევე, გამოვთქვამ საფუძვლიან იმედს, რომ ეს ფაქტი მაქსიმალურად ეფექტურად იქნება გამოძიებული.

რაც შეეხება ჩემს პოლიტიკურ შეფასებას, კარგად ხვდებით, რომ "ქართულ ოცნებას" არაფერში სჭირდება პლაკატებისკენ სროლა, ყოველშემთხვევაში არცერთ პოლიტიკურ ლიდერს. დარწმუნებული ვარ, "ქართულ ოცნებაში" არცერთი პოლიტიკური ლიდერი ამას მხარს არ დაუჭერდა", - განაცხადა თალაკვაძემ.

ცნობისთვის, "ნაციონალური მოძრაობის" ინფორმაცით, ცეცხლსასროლი იარაღიდან "ნაციონალური მოძრაობის" ოფისთან, ნიკა მელიას ბილბორდის მისამართით გასროლა განხორციელდა.

შინაგან საქმეთა სამინისტრომ „ნაციონალური მოძრაობის“ ოფისის მისამართით სროლის ფაქტზე გამოძიება დაიწყო.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს