არჩილ თალაკვაძე - თუ ოპოზიცია ოპოზიციაში ყოფნით დაიღალა, ეს მათი პრობლემაა, მაგრამ ბოიკოტი პრობლემას უქმნის პარლამენტის სრულფასოვან საქმიანობას

ჩვენი სურვილია შედგეს შეთანხმება სამართლიანი პირობების გარშემო და ოპოზიცია დაბრუნდეს ქუჩიდან პარლამენტში. ეს მათთვისაც იქნება ძალიან სასარგებლო. ბევრი საკითხია, სადაც ოპონირებაა საჭირო , - ამის შესახებ პარლამენტის თავმჯდომარემ, არჩილ თალაკვაძემ ჟურნალისტებს ოპოზიციასთან შეხვედრის დასრულების შემდეგ განუცხადა.

თალაკვაძე ასევე გამოეხმაურა შალვა ნათელაშვილის მიერ ხელისუფლებისა და ოპოზიციის შეხვედრის დატოვებას და განაცხადა, რომ მოლაპარაკებები მოითხოვს ნებისყოფას და ნერვებს.

„ჩემთვისაც მოულოდნელი იყო გამეგო, ბოიკოტში ბოიკოტი თუ არსებობდა. როგორც ჩანს, ასეთიც არსებობს. მოლაპარაკებები მოითხოვს ნებისყოფას და ნერვებს, ამიტომ მნიშვნელოვანია ის, რაც დღეს ვნახეთ. კონსტრუქციული გარემო, საქმიანი საუბარი ოპოზიციასა და ხელისუფლებას შორის. ზუსტად ეს არის ის, რაც ჩვენ გვინდა როგორც დიალოგში, ასევე პარლამენტშიც. რაც შეეხება ბატონ შალვას, მეტი შეფასების გაკეთებას დღეს მოვერიდებოდი. ჩვენ ვართ დიალოგის პროცესში, მე უბრალოდ არ მსურს, რომ კიდევ უფრო მეტი დაძაბულობა შევიტანო ამ პროცესში“, - განაცხადა თალაკვაძემ.

ამასთან, როგორც მან აღნიშნა, ოპოზიციის ბოიკოტი ხელს უშლის პარლამენტის სრულფასოვან საქმიანობას.

„მანდატებზე საქართველოს პარლამენტმა უკვე მიიღო ძალიან მნიშვნელოვანი პოლიტიკური გადაწყვეტილება. ჩვენ არ მოვუხსენით მანდატები იმ დეპუტატებს, რომლებმაც მიმართეს პარლამენტს. რატომ არ შევუწყვიტეთ, ამასაც განგიმარტავთ. არ შევუწყვიტეთ იმიტომ, რომ ჩვენ პატივს ვცემთ იმ ჩვენი თანამოქალაქეების არჩევანს, ვინც აირჩია სხვადახსხვა ოპოზიციური პარტია პარლამენტში სამუშაოდ. ჩვენ ვთვლით, რომ მათი არჩევანიც უნდა იყოს გათვალისწინებული ამ პარტიების მხრიდან და მათ უნდა მიიღონ ამ ხალხის სახელით მონაწილეობა საპარლამენტო პროცესში. ოპოზიციას თუ არ უნდა, რომ იყოს ოპოზიცია ან თუ ოპოზიცია დაიღალა ოპოზიციაში ყოფნით, ეს არის მათი პრობლემა, მაგრამ ასევე ბოიკოტი პრობლემას უქმნის პარლამენტის სრულფასოვან საქმიანობას“, - განაცხადა თალაკვაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება