„ქართული ოცნებისა“ და ოპოზიციის წარმომადგენლების შეხვედრა დღესაც გაგრძელდება

ევროპული საბჭოს პრეზიდენტის სპეციალური წარმომადგენლის, კრისტიან დანიელსონის ჩართულობით „ქართული ოცნებისა“ და ოპოზიციის წარმომადგენლების შეხვედრა დღესაც გაგრძელდება.

ევროკავშირის წარმომადგენლობის ოფისში პოლიტიკურ მხარეებს შორის დანიელსონის მედიაციით აუდიენცია გუშინაც გაიმართა. ოპოზიციის შეფასებით, შეხვედრა „მძიმე“ იყო, მაგრამ გარკვეულ საკითხზე პროცესი წინ მიდის.

მათივე ინფორმაციით, ახალი არჩევნების საკითხზე საუბარი გუშინ არ ყოფილა და ოპოზიციის აღნიშნულ მოთხოვნაზე მსჯელობა დღეს გაიმართება.

რაც შეეხება მმართველ გუნდს, „ქართული ოცნების“ წარმომადგენლების განცხადებით, „პუნქტები საბოლოო ჯამში ისეთი ფორმულირებით ყალიბდება, რომელიც უფრო სამართლიანია“. როგორც ისინი განმარტავენ, „ოპოზიციას პოზიციები დღითიდღე უმძიმდება“.

შეგახსენებთ, რომ ხელისუფლებასა და ოპოზიციას შორის მოლაპარაკებებში მედიატორი კრისტიან დანიელსონია, რომელიც ევროპული საბჭოს პრეზიდენტმა შარლ მიშელმა თბილისში საკუთარ წარმომადგენლად დანიშნა.

იხილეთ ვიდეო:"ქართული ოცნებისა" და ოპოზიციის წარმომადგენლების შეხვედრა დღესაც გაგრძელდება

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს