სახელმწიფო ინსპექტორის სამსახურის საგამოძიებო დეპარტამენტის წარმოებაში არსებულ საქმეთა 3% არასრულწლოვანთა მიმართ კანონსაწინააღმდეგო ქმედებას ეხება

სისხლის სამართლის საქმის გამოძიების პროცესში მონაწილე მოწმე და მსხვერპლი ბავშვები, მათ ინტერესებზე ორიენტირებულ მიდგომას და გარემოს საჭიროებენ, - ამის შესახებ ინფორმაციას სახელმწიფო ინსპექტორის სამსახური ავრცელებს.

მათივე ინფორმაციით, დამატებითი ტრავმისა და მეორეული ვიქტიმიზაციისაგან ბავშვთა დასაცავად, მნიშვნელოვანია გამოკითხვისა და სხვა საგამოძიებო/საპროცესო მოქმედებების ჩატარების პროცესი არასრულწლოვნის ინტერესებზე მორგებულ სივრცეში მიმდინარეობდეს. მით უფრო, როდესაც არასრულწლოვანი მის მიმართ განხორციელებულ ფსიქოლოგიურ თუ ფიზიკურ ძალადობაზე საუბრობს.

„სახელმწიფო ინსპექტორის სამსახურში ბავშვის ინტერესებზე მორგებული პირველი სპეციალური სივრცე საგამოძიებო დეპარტამენტის დასავლეთის სამმართველოში მოეწყო. ოთახის მდებარეობა და აღჭურვილობა მაქსიმალურად ამცირებს ბავშვის გამოკითხვის პროცესში მასთან კონტაქტში მყოფი პირების რაოდენობას, უზრუნველყოფს კონფიდენციალობის დაცვას და ქმნის არასრულწლოვნისთვის ნაკლებად სტრესულ და უსაფრთხო გარემოს.

აღსანიშნავია, რომ სახელმწიფო ინსპექტორის სამსახურის საგამოძიებო დეპარტამენტის წარმოებაში არსებულ სისხლის სამართლის საქმეთა 3% სწორედ არასრულწლოვანთა მიმართ განხორციელებულ კანონსაწინააღმდეგო ქმედებას ეხება.

სახელმწიფო ინსპექტორის სამსახურისთვის განსაკუთრებით მნიშვნელოვანია ხელი შეუწყოს არასრულწლოვნის ჭეშმარიტ ინტერესზე ორიენტირებული სისტემის ჩამოყალიბებას. ამ მიზნით, არასრულწლოვანთა მონაწილეობით განხორციელებულ საგამოძიებო და საპროცესო მოქმედებებში მხოლოდ სპეციალიზებული გამომძიებლები ერთვებიან. ამასთან, სამსახური გამოძიების პროცესში აქტიურად უზრუნველყოფს არასრულწლოვანთა ფსიქოლოგის მონაწილეობას. ბავშვზე მორგებული სივრცეების მოწყობის პროცესი სახელმწიფო ინსპექტორის სამსახურის სხვა ოფისებშიც გაგრძელდება“, - აღნიშნულია უწყების მიერ გავრცელებულ ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს