ნათია თურნავა - ეროვნული ვალუტის გაცვლითი კურსი  არის მართლაც ის საკითხი, რომელზეც  ჩვენ ყველამ კომპლექსურად უნდა ვიზრუნოთ და ვიმუშავოთ

ეროვნული ვალუტის გაცვლითი კურსი არის მართლაც ის საკითხი, რომელზეც ჩვენ ყველამ კომპლექსურად უნდა ვიზრუნოთ და ვიმუშავოთ. ეს არის ის საკითხი, რომელიც ბევრ ჩვენს თანამოქალაქეს აწუხებს განსაკუთრებით იმის გათვალისწინებით, რომ იმპორტი ჯერ კიდევ დიდი მოცულობით გვაქვს, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში სხდომის დასრულების შემდეგ გამართულ ბრიფინგზე განაცხადა.

როგორც თურნავამ ლარის კურსზე დასმული კითხვის საპასუხოდ აღნიშნა, მთავრობამ ბოლო წლებში ყველაფერი გააკეთა იმისთვის, რომ საგადამხდელო ბალანსი და საგარეო სავაჭრო სალდო გაუმჯობესებულიყო.

„კერძოდ, ექსპორტი, მათ შორის, ქართული წარმოების ექსპორტი 2020 წელს არ შემცირებულა და გაიზარდა 3,5 %-ით. მთლიანობაში ექსპორტი რეექსპორტის ჩათვლით, უფრო ნაკლებად შემცირდა, ვიდრე იმპორტი. ეს იწვევს საგადამხდელო ბალანსის გაუმჯობესებას, მაგრამ, რა თქმა უნდა, ეს არ არის საკმარისი. სწორედ ამიტომაც ყველა უწყება თავიანთი პასუხისმგებლობების ფარგლებში მუშაობს ამ საკითხზე. თქვენ ახსენეთ ეროვნული ბანკის გადაწყვეტილება მონეტარული განაკვეთის გამკაცრებასთან დაკავშირებით და ესეც არის ერთ-ერთი აპრობირებული ბერკეტი იმისა, რომ უფრო მეტი განჭვრეტადობა გვქონდეს და ნაკლები რისკი, რომ ლარის კურსი გაუფასურდება. ეს სწორი გადაწყვეტილებაა. ეკონომიკისთვის ძალიან კარგია ყველაფერი, რაც განჭვრეტადობას გაზრდის. ლარის კურისის მერყეობა არის საკმაოდ დიდი პრობლემა ჩვენი ბიზნესებისთვის. შესაბამისად, ეს აპრობირებული მეთოდია, მონეტარული პოლიტიკის ერთ-ერთი ბერკეტი, რომელსაც მთელი მსოფლიო იყენებს და ჩვენს გამოვიყენეთ იმისთვის, რომ ნაკლები იყოს რისკი გაუთვალისწინებელი დიდი რყევეის თუნდაც სავალუტო ბაზარზე. მთავარი, რასაც ჩვენ ვაკეთებთ საშუალოვადიან პერსპექტივაში არის ქართული ექსპორტის ზრდა, სასაქონლო ექსპორტი იქნება, თუ მომსახურების ექსპორტი, იგივე ტურიზმი, ეს არის მთავარი და სწორი წყარო, რომელიც არა მარტო ლარის კურსის გამყარებას შეუწყობს ხელს, არამედ, მთლიანობაში ეკონომიკის ზრდას“, - განაცხადა თურნავამ.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს