ირაკლი კობახიძე - ჩვენი მხრიდან არავითარ შემთხვევაში არ იქნება ხელმოწერილი ისეთი შეთანხმება, რომელიც არ შეესაბამება სამართლიანობის პრინციპს, ეს არის ერთადერთი „წითელი ხაზი“

ჩვენი მხრიდან არ იქნება ხელმოწერილი არავითარ შემთხვევაში ისეთი შეთანხმება, რომელიც არ შეესაბამება სამართლიანობის პრინციპს, ეს არის ერთადერთი ჩვენი „წითელი ხაზი“,- ამის შესახებ „ქართული ოცნების“ თავმჯდომარემ ირაკლი კობახიძემ მედიატორ კრისტიან დანიელსონთან შეხვედრის დასრულების შემდეგ განაცხადა.

მისივე თქმით, საპარლამენტო არჩევნები იყო, თავისუფალი, სამართლიანი და კონკურენტულ გარემოში ჩატარებული, რისი აღიარებაც მოხდა შესაბამისი დასკვნებითა და განცხადებებით.

„ჩვენთვის მთავარი არის ვიმოქმედოთ საერთაშორისო პარტნიორების მოსაზრებების გათვალისწინებით და ვიმოქმედოთ ისე, როგორც ეს შეესაბამება სამართლიანობის პრინციპს. ჩვენი მხრიდან არ იქნება ხელმოწერილი, არავითარ შემთხვევაში, ისეთი შეთანხმება, რომელიც არ შეესაბამება სამართლიანობის პრინციპს, ეს არის ერთადერთი ჩვენი „წითელი ხაზი“.

მთავარი არის ის, რომ არჩევნები იყო კონკურენტული, სამართლიანი და თავისუფალი, რაც აღინიშნა შესაბამის დასკვნებში და ასევე, აღინიშნა შესაბამის განცხადებებში, რაზეც ძალიან ღიზიანდება ოპოზიცია. თქვენ ნახეთ მათი კომენტარები, ბოლოს მაგალითად ბორელის განცხადებებთან დაკავშირებით. ეს მათ აღიზიანებთ, იმიტომ, რომ ეს მათ აყენებთ ბევრად უფრო სუსტ პოზიციებში, ვიდრე ისინი იყვნენ თუნდაც 2-3 თვის წინ. როდესაც არჩევნები იყო თავისუფალი და კონკურენტული და პარლამენტში მაინც არ შემოდის ოპოზიცია, ამ დროს კრიზისი არის ხელოვნური“, - განაცხადა კობახიძემ.

კობახიძემ შალვა ნათელაშვილის მიერ გუშინდელი შეხვედრის პროტესტის ნიშნად დატოვების ფაქტიც შეაფასა და აღნიშნა, რომ ეს იყო დესტრუქციის კიდევ ერთი გამოხატულება.

„რადგან ჩვენ არ გამოგვაქვს დეტალები შიგნიდან, იქ ბევრი სხვა რეაქციაც იყო, მაგრამ დეტალებზე არ ვსაუბრობთ. რა თქმა უნდა, ეს კიდევ ერთხელ აჩვენებს მთლიანად ოპოზიციის დამოკიდებულებას საერთაშორისო პარტნიორებისა და დიალოგის პროცესის მიმართ. ეს არის ძალიან მძიმე, ძალიან ცუდია, როდესაც ჩვენ ვხედავთ და ვისმენთ ასეთ რაღაცებს. ეს იყო დესტრუქციის კიდევ ერთი გამოხატულება,“- განაცხადა კობახიძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო