კახა კალაძე - მიხეილ სააკაშვილი დესტრუქციული ადამიანია - ყველანაირად ცდილობს, მოლაპარაკების მაგიდის აყირავებას

მიხეილ სააკაშვილი თავისი შინაარსითა და ცხოვრების წესით დესტრუქციული ადამიანია - ყველანაირად ცდილობს, მაგიდის აყირავებას, ვიღაცას შეურაცხყოფას აყენებს, ევროპარლამენტარებს რუსეთის აგენტებს ეძახის, - ამის შესახებ „ქართული ოცნების“ გენერალურმა მდივანმა კახა კალაძემ ჟურნალისტებთან განაცხადა.

მისივე თქმით, საქართველოს მესამე პრეზიდენტი მიხეილ სააკაშვილი არასერიოზული ფიგურაა.

„ეს არაა პირველი შემთხვევა, როდესაც ვისმენთ ამ ტიპის შეურაცხყოფას ოპოზიციური ლიდერების მხრიდან. ეს, რა თქმა უნდა, ყველას არ ეხება. სააკაშვილს რაც შეეხება, თავისი შინაარსით, თავისი ცხოვრების წესით დესტრუქციული ადამიანია. იმ სისხლიანი რეჟიმის დროს რა ხდებოდა, კიდევ ერთხელ ლაპარაკსა და ხაზის გასმას არ დავიწყებ. ის ყველანაირად ცდილობს და ეს იკვეთება, რომ მოლაპარაკება არ შედგეს და მაგიდის აყირავება მოხდეს. ვიღაცას შეურაცხყოფას აყენებს, ევროპარლამენტარებს რუსეთის აგენტებს ეძახის. არასერიოზული ფიგურაა“, - განაცხადა კალაძემ.

საქართველოს ყოფილმა პრეზიდენტმა, მიხეილ სააკაშვილმა გუშინ განაცხადა, რომ „ყველა ადამიანი, ვინც ამბობს, რომ სააკაშვილი უნდა ჩამოშორდეს ძალაუფლებასა და გავლენებს, ამორალური და იდიოტია“.

მიხეილ სააკაშვილის განცხადებით, საერთოდ არ აინტერესებს არავის აზრი.

„აბა, შემომიშვან ჩემს ქვეყანაში, შექმნან თანაბარი პირობები, სად იქნება ივანიშვილი, ზუსტად რამდენიმე დღის განმავლობაში, მაგას გაჩვენებთ. შექმენით თანაბარი პირობები, მიუდექით იმავე სტანდარტებით, როგორიც არის დასავლეთში. დასავლეთში როგორც იქნებოდა, ისე იყოს. ჭკუის დარიგება ვიღაც გადამდგარი პირებისგან... სად ვიპოვი ხვალ და ზეგ იმ გადამდგარ პირებს. მსოფლიოში მიხეილ სააკაშვილის სახელი და გვარი იცის ყველამ. ყველას შეუძლია უყეფოს მზეს, მაგრამ ქარავანი მაინც უნდა მიდიოდეს. ქარავანი არის საქართველოს გადარჩენისთვის“, - განაცხადა სააკაშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა