ლევან იოსელიანი ლევან დავითაშვილს - თქვენი ჩასვლის შემდეგ „ნამახვანჰესის“ საწინააღმდეგო აქციაზე უფრო მეტი ადამიანი გამოვიდა - ორგზის გაქვთ თავი მოსაკლავი!

როგორც ალეკო ელისაშვილმა თქვა, წაგებული ბრძოლის გენერლები თავს იკლავდნენ, მაგრამ თქვენ ორგზის გაქვთ თავი მოსაკლავი, - ამ განცხადებით გარემოს დაცვისა და სოფლის მეურნეობის მინისტრს ლევან დავითაშვილს დეპუტატმა ლევან იოსელიანმა მიმართა.

“28 თებერვალს „ნამახვანჰესთან“ დაკავშირებით ქუთაისში პირველი დიდი აქცია გაიმართა. ამის შემდეგ თქვენ მოსალაპარკებლად ჩაბრძანდით და თქვენი ჩასვლის შემდეგ აქციაზე უფრო მეტი ადამიანი გამოვიდა. ამ ადამიანებმა თქვეს, რომ 15 წუთი არ დაუთმეთ, რომ მათთვის მოგესმინათ და იქედან გამოიქეცით. ასე აპირებთ პრობლემის მოგვარებას? სანამ მთელი საქართველო ფეხზე არ დადგება, ასეთი “წარმატებული კომუნიკაციით აპირებთან მოქალაქეებთან ურთიერთობის გაგრძელებას?“, - მიმართა იოსელიანმა ლევან დავითაშვილს.

იოსელიანს პასუხად განცხადება დეპუტატმა ნინო წილოსანმა გააკეთა. მან ოპოზიციონერ კოლეგებს ეთიკურობის გამოჩენისკენ მოუწოდა და განაცხადა, რომ არაეთიკური და დანაშაულებრივია პარლამენტის ტრიბუნიდან თვითმკველელობისკენ მოწოდება, ამ ქმედების პოპულარიზება და რომანტიზება.

მანამდე, ლევან დავითაშვილს "მოქალაქეების" კიდევ ერთმა ლიდერმა, ალეკო ელისაშვილმა მიმართა.

"არმიაში ასეთი წესი იყო, თუკი სარდლები ბრძოლას წააგებდნენ და ეს მათი დაშვებული შეცდომის ბრალი იყო, თავს იკლავდნენ ხოლმე - მე რომ სოფლის მეურნეობის მინისტრი ვყოფილიყავი, გერმანიას გამოეცხადებინა, ვისაც ჩვენს ბაღ-ბოსტნებსა და ყანებში მუშაობა გინდათ, აგერ განცხადება შეავსეთო და ორ დღეში 100 ათას კაცს შეევსო, ალბათ, თვითმკვლელობაზე ვიფიქრებდი", - მიმართა მინისტრის ელისაშვილმა.

გარემოს დაცვისა და სოფლის მეურნეობის მინისტრს “მინისტრის საათის“ ფორმატში უსმენენ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება