ილია დარჩიაშვილი - კულტურულ, რელიგიურ და სხვა დღესასწაულებზე ხალხმრავლობიდან გამომდინარე, შეზღუდვების შემსუბუქება მიზანშეწონილი არ არის
მთავრობის ადმინისტრაციის უფროსის ილია დარჩიაშვილის განცხადებით, კულტურულ, რელიგიურ და სხვა მსგავს დღესასწაულებზე ვირუსის გავრცელების მომატებული რისკის საფრთხის გამო, შეზღუდვების შემსუბუქება მიზანშეწონილი არ არის. ამის შესახებ დარჩიაშვილმა საკოორდინაციო საბჭოს დასრულების შემდეგ განაცხადა.
„როგორც თქვენთვის ცნობილია, საკოორდინაციო საბჭოს მიმართეს სახალხო დღესასწაულ ნოვრუზ ბაირამთან დაკავშირებით და ითხოვეს ერთი ღამით გადაადგილების შეზღუდვის მოხსნა. საკოორდინაციო საბჭოს გადაწყვეტილებით, კულტურულ, რელიგიურ და სხვა მსგავს დღესასწაულებზე ხალხმრავლობიდან გამომდინარე, ასევე ვირუსის გავრცელების მომატებული რისკის საფრთხის გამო, განსაკუთრებით იმ დროს, როცა შეზღუდვების უმეტესობა უკვე მოხსნილია, მსგავს დღესასწაულებთან დაკავშირებით შეზღუდვების შემსუბუქება მიზანშეწონილი არ არის,“- განაცხადა დარჩიაშვილმა.
