აკაკი მინაშვილი - 20 მარტის აქცია დღის წესრიგშია

20 მარტის აქცია დღის წესრიგშია, - ამის შესახებ ჟურნალისტებს „ნაციონალური მოძრაობის" ერთ-ერთმა ლიდერმა აკაკი მინაშვილმა განუცხადა.

მისივე თქმით, აქციასთან დაკავშირებით დეტალები დღის ბოლოს გახდება ცნობილი.

„კონკრეტულად აქციასთან დაკავშირებით დეტალებზე მოგვიანებით ვისაუბრებ. მინდა მკაფიოდ დავაფიქსირო, რომ საპროტესტო აქტივობები, ქუჩის აქტივობები იქნება ინტენსიური, აქტიური და გაგრძელდება. სამწუხაროა, რომ ერთ- ერთი ენა, რომელიც დღეს ხელისუფლებას ესმის, ქუჩის საპროტესტო აქტივობებია. ეს გაგრძელდება. ეს პროცესი გაგრძელდება და იქნება თანხვედრა ორი პროცესის - მეგობრებთან მუშაობა და საპროტესტო აქტივობები. ადამიანებს ამ ქვეყანაში აქვთ ყოველდღიური პრობლემები. ადამიანებს აქვთ სურვილი გამოხატონ პროტესტი. ჯერჯერობით, სხვა გზა პრობლემების გადაჭრია არ არის. ამიტომაა ხელისუფლების მხრიდან გონივრული ნაბიჯი, რომ დათანხმდეს რიგგარეშე არჩევნებს, რომ ეს პროტესტი ვადამდელ არჩევნებზე გამოიხატოს. თუ ხელისუფლება ამას არ ეთანხმება, ბუნებრივია, პროტესტი იქნება ქუჩაში, ფართო და კიდევ გაფართოვდება და ინტენსიური გახდება",- განაცხადა მინაშვილმა.

ცნობისთვის, ევროკავშირის წარმომადგენლობის ოფისში ევროსაბჭოს პრეზიდენტის შარლ მიშელის სპეციალური წარმომადგენლის კრისტიან დანიელსონის მედიაციით "ქართული ოცნებისა" და ოპოზიციის ლიდერების შეხვედრა მიმდინარეობს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს